Osea 1
1
1 #
2Asu 14.23-29; 15.1-7,32-38; 16.1-20; 18.1—20.21; 2Mav 26.1—27.8; 28.1—32.33 Ũũ nĩw'o ũtũmani ũla Mwĩai Ngai wanengie Osea mwana wa Mbeeli, ĩvindanĩ ya kũsumbĩka kwa Usia, Yothamu, Aasu na Esekia ala maĩ asumbĩ ma Yuta, na o ta ũu ĩvindanĩ ya kũsumbĩka kwa Yelovoamu mwana wa Yoasi mũsumbĩ wa Ĩsilaeli.
Kĩveti Ĩlwaya kya Osea na Syana syake
2Yĩla Mwĩai Ngai waneenie ĩvinda ya mbee na andũ ma Ĩsilaeli kwĩsĩla vala ve Osea, nĩweeie Osea atĩĩ, “Enda ũkatwae kĩveti ĩlwaya na ũisyaa nakyo syana sya ũmalwaya, nũndũ andũ ma nthĩ ĩno nĩmekwĩka ũmalwaya mwingĩ kwa kũndia nyie Mwĩai Ngai.”
3Kwoou Osea nĩwaendie na atwaa Ngomeli mwĩĩtu wa Ndivilaimu. Ngomeli nĩwaitavie na asyaa kavĩsĩ. 4#2Asu 10.11 Mwĩai Ngai nĩwaneenie na Osea amwĩa atĩĩ, “Ĩta kavĩsĩ kaa Yesileeli,#1.4 Yesileeli: Ndũanĩ ĩno nĩvo Yeũ wooaĩie mũsumbĩ wa Ĩsilaeli na andũ onthe ala maĩ ma mũsyĩ wa kĩ-ũsumbĩ, na atw'ĩka mũsumbĩ wa mbee wa ũsumbĩ ũsu mweũ (2Asu 9-10) nũndũ vatiele kavinda kanini na ngĩĩvanĩsya mũsumbĩ wa Ĩsilaeli nũndũ wa andũ ala ũmae wake Yeũ wooaĩie Yesileeli. Ngamina ũsumbĩ wa Ĩsilaeli. 5Mũthenya ũsu, ngaminĩa vinya wa asikalĩ ma Ĩsilaeli mwandanĩ wa Yesileeli.”
6Ngomeli nĩwaitavie ĩngĩ na asyaa kelĩtu. Mwĩai Ngai nĩwaneenie na Osea amwĩa atĩĩ, “Ĩta kelĩtu kaa Lo-luama,#1.6 Lo-luama: Ũalyũlo wa ĩsyĩtwa yĩĩ nĩ Ũla ũtaaĩw'ĩwa tei nũndũ kuma yu ndikambĩla kwĩw'ĩa andũ ma Ĩsilaeli tei, kana nĩmaekee ĩvinda o na yĩva. 7Ĩndĩ ngeew'ĩa andũ ma Yuta tei na kũmatangĩĩa nyie Mwĩai Ngai, Ngai woo; ndikamatangĩĩa na ũta, kana ũvyũ, kana kaũ, kana mbalasi, kana na asikalĩ ma kũlĩsa mbalasinĩ”
8Ngomeli amina kũaĩsya Lo-luama nĩwaitavie na asyaa kavĩsĩ. 9Mwĩai Ngai nĩwaneenie na Osea amwĩa atĩĩ, “Ĩta kavĩsĩ kaa Lo-ami,#1.9 Lo-ami: Ũalyũlo wa ĩsyĩtwa yĩĩ nĩ Ti andũ makwa nũndũ inyw'ĩ mũi andũ makwa, nakwa ndi Ngai wenyu.”
10 #
Alo 9.26
Ĩndĩ ũtalo wa andũ ma Ĩsilaeli ũkeethĩwa wĩ mwingĩ ta kĩthangathĩ kya ũkanga kĩla kĩtathimĩka kana kĩtatalĩka, na o vala vandũ meeĩiwe, “Mũi andũ makwa,” novo makeĩwa, “Mwĩ andũ ma Ngai ũla wĩ thayũ.” 11Andũ ma Yuta na andũ ma Ĩsilaeli makoombanĩw'a vamwe na mayĩnyuvĩa mũtongoi ũmwe, na makaendeea nesa me nthĩ yoo. Asi, ũsu ko nĩ mũthenya mũnene, mũthenya wa Yesileeli!
BIBLE SOCIETY OF KENYA © 2011