आमोस 8
8
फळां तै भरी टोकरी का दर्शन
1इसके बाद यहोवा नै मेरे ताहीं यो दिखाया: के, धूपकाल के फळां#8:1 धूपकाल के फळां यानिके अंजीर तै भरी होई एक टोकरी सै। 2अर यहोवा नै मेरे तै पुच्छा, “हे आमोस, तेरे ताहीं के दिखाई देवै सै?” मन्नै कह्या, “धूपकाल के फळां तै भरी एक टोकरी।” फेर यहोवा नै मेरे ताहीं कह्या, “मेरी प्रजा इस्राएल का अन्त आ ग्या सै; मै इब उस ताहीं और न्ही छोड़ूँगा।” 3परमेसवर यहोवा की याए वाणी सै, “उस दिन राजमन्दर के गीत हाहाकार म्ह बदल जावैंगे#8:3 उस दिन राजमन्दर के गीत हाहाकार म्ह बदल जावैंगे आनन्द का स्वर विलाप म्ह बदल जावैगा, सब कुछ पूर्ण विशाद म्ह बदल जावैगा।, अर लाशां का बड़ा ढेर लागैगा; अर सारी जगहां म्ह वे चुपचाप फेंक दिए जावैंगे।”
4यो सुणो, थम जो गरीबां ताहीं निगळणा अर देश के नम्र माणसां नै नाश करणा चाहो सो, 5जो कहवै सै, “नया चाँद कद बीत्तैगा के हम अन्न बेच सकां? अर विश्रामदिन कद बीत्तैगा, के हम अन्न के खत्ते खोलकै एपा ताहीं छोट्टा अर शेकेल नै भारी कर देवां, छळ के तराजू तै धोखा देवां, 6के हम कंगालां नै रुपया देकै, अर गरीबां ताहीं एक जोड़ी जूत्ती देकै मोल लेवां, अर खराब अनाज बेचा?”
7यहोवा, जिसपै याकूब नै घमण्ड करणा ठीक सै, वोए अपणी कसम खाकै कहवै सै, “मै थारे किसे काम नै कदे न्ही भूलूँगा। 8के इस कारण धरती ना काँम्बैगी? के उस म्ह के सारे रहण आळे विलाप ना करैंगे? यो देश सारे का सारा मिस्र देश की नील नदी की तरियां होवैगा, जो बढै़ सै, फेर लहर मारै, अर घट जावै सै।”
9परमेसवर यहोवा की या वाणी सै, “उस बखत मै सूरज नै दोपहर के बखत डुबोऊगाँ#8:9 उस बखत मै सूरज नै दोपहर के बखत डुबोऊगाँ तेज रोशनी के विपरीत अन्धकार घणा अर काळा होवैगा।, अर इस देश नै दिन-दोफारी अंधियारा कर दियुँगा#8:9 मत्ती 27:45; मर. 15:33; लूका. 23:44-45। 10मै थारे पर्वां के त्यौहारां नै दूर करकै विलाप कराऊँगा, अर थारे सारे गीतां नै दूर करकै विलाप के गीत गवाऊँगा; मै थारी सब की कमर म्ह टाट बँधाऊँगा, अर थारे सारया के सिरां नै मुँण्डाऊँगा; अर इसा विलाप कराऊँगा जिसा इकलौते कै खात्तर होवै सै, अर उसका अन्त मुश्किल दुःख के दिन का जिसा होवैगा।”
11परमेसवर यहोवा की या वाणी सै, “देक्खो, इसे दिन आवै सैं, जिब मै इस देश म्ह अकाळ गेरूँगा; उस म्ह ना तो अन्न की भूख अर ना पाणी की प्यास होवैगी, लेकिन यहोवा के वचनां के सुणण ए की ए भूख प्यास होवैगी। 12अर माणस यहोवा के वचन की खोज म्ह समुन्दर तै समुन्दर ताहीं अर उत्तर तै पूरब ताहीं मारे-मारे फिरैंगे, पर उस नै न्ही पावैंगें।”
13“उस बखत सुन्दर कुवारी अर जवान दोन्नु प्यास कै मारे बेहोंस होवैंगे। 14जो माणस सामरिया के दोष देवता की कसम खावै सैं, अर जो कहवै सैं, ‘दान के देवता के जीवन की कसम,’ अर बेर्शेबा के पन्थ की कसम, वे सारे गिर पड़ैंगे, अर फेर न्ही उठैगें।”
Obecnie wybrane:
आमोस 8: BGC
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.