आमोस 6
6
1“हाय उनपै जो सिय्योन म्ह सुख तै रहवै, अर उनपै जो सामरिया नगर के पहाड़ पै बेफिकर रहवै सै#6:1 सामरिया नगर के पहाड़ पै बेफिकर रहवै सै परमेसवर म्ह न्ही, सामरिया एक शक्तिशाली नगर था अर इस्राएल के जरिये लिया गया आखरी नगर था।, वे जो सब तै बढ़िया जात्ति म्ह प्रसिद्ध सैं, जिनके धोरै इस्राएल#6:1 इस्राएल यरुशलेम नगर का घरान्नां आवै सै! 2कलने नगर नै जाकै देक्खो, अर ओड़ै तै हमात नाम के बड़े नगर ताहीं जाओ; फेर पलिश्तियाँ के गत नगर ताहीं जाओ। के वे थारे दो राज्य यहूदा और इस्राएल तै बढ़िया सैं? के उनका देश थारे देश तै कुछ बड़ा सै? 3थम बुरे दिन नै दूर कर देन्दे, अर उड़दंग की गद्दी नै धोरै ले आओ सो।”
4“थम हाथी दाँन्द के पलंगां पै लेटदे, अर अपणे-अपणे बिछोणे पै पैर पसारे सोओ सो, अर भेड़-बकरियाँ म्ह तै मेम्ने अर गऊशाळा म्ह तै बाछड़े खाओ हो। 5थम सारंगी कै गैल गीत गाओ, अर दाऊद की तरियां ढाळ-ढाळ के बाजे बुद्धि तै लिकाड़ो सो; 6अर कटोरयां म्ह तै दाखमधु पीओ, अर बढ़िया-बढ़िया तेल लगाओ सो, लेकिन यूसुफ पै आणआळी मुसीबत#6:6 यूसुफ पै आणआळी मुसीबत इस्राएल का विनाश का हाल सुणकै शोकित न्ही होन्दे। 7इस कारण वे इब गुलाम्मी म्ह पैहला जावैंगे, अर जो पैर पसारे सोवैं थे, उनकी विलासिता जान्दी रहवैगी।”
8सेनाओं के परमेसवर यहोवा की याए वाणी सै, (परमेसवर यहोवा नै अपणी ए कसम खाकै कह्या सै): “जिसपै याकूब घमण्ड करै सै, उसतै मै घृणा, अर उसके राज-भवनां तै बैर राक्खूँ सूं; अर मै इस नगर नै उन सारया समेत जो उस म्ह सै, दुश्मन के बस म्ह कर दियुँगा।”
9जै कर किसे घर म्ह दस माणस बचे रहें, तोभी वे मर जावैंगे। 10जिब किसे का चाचा, जो उसका जळाण आळा हो, उसकी हड्डियाँ ताहीं घर तै लिकाड़ण कै खात्तर ठावैगा, अर जो घर के कुण्यां म्ह हो उसतै कहवैगा, “के तेरे धोरै कोए और सै?” फेर वो कहवैगा, “कोए न्ही;” फेर वो कहवैगा, “चुप रह! हमनै यहोवा का नाम न्ही लेणा चाहिए।”
11क्यूँके यहोवा के हुकम तै बड़े घर म्ह छेद, अर छोट्टे घर म्ह दरार होवैगी। 12के घोड़े चट्टान पै दौड़ै? के कोए इसी जगहां म्ह बळधां तै जोत्तै जड़ै थमनै न्याय ताहीं जहर तै, अर धार्मिकता के फळ ताहीं कड़वे फळ म्ह बदल डाल्या सै? 13थम इसी चीज कै कारण आनन्द करो सो जो बेकार सै; अर कहो सो, “के हम अपणी ए कोशिश तै ताकतवर न्ही होए?” 14इस करकै सेनाओं के परमेसवर यहोवा की या वाणी सै, “हे इस्राएल के घरान्ने, देख, मै थारे खिलाफ एक इसी जात्ति खड़ी करुँगा, जो हमात की घाटी तै लेकै अराबा की नदी किनारे ताहीं थमनै संकट म्ह गेरैगी।”
Obecnie wybrane:
आमोस 6: BGC
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.