Pampujiam 8
8
KamatandeanNa Puang Allataala anna tadongkonganna hupatau
8:1-10
1Lu lako to untetem to menani. Situhu' ajanganna penaniam: Gitit.#8:1 Gitit: Deem sarjana Alkitab muuai, Gitit buttu dio mai kada <<gath>> (basa Ibrani) kalembasanna <<ongeam pallullusam anggur>>. Gitit mesa penaniam si dipenaniam wattunna dipuppu' bua anggur. Inde tula' ia too naundu'i Septuaginta (Pa'dandiam Yolo dipalutama basa Yunani) diona, <<pangkakka' dipake illaam pallullusam anggur>>. Pampujiam napapia Daud.
2O DEBATA, Debata to kipenombai,
tä' deem pada samapuam sangamMu illaam inde lino!
Dipenaniam kamatandeamMu to untandolängänni langi'.
3Gamahanna änä'-änä' sola änä'-änä' sumusu DEBATA,
umpadadi kamatohoam lako balimMu,
la umpopa'luttu' ingganna bali sola to ma'patumpui.
4Maka' kupahandam langi' kalua' pa'tampa limamMu,
bulam sola ingganna bintä to umpatadongkonni ongeanna,
5iya mekutanamä' kuua, aka ia inde hupatau DEBATA, nasuhum umpaillaam penaba?
Menna hia inde to lino DEBATA, nasuhum muandaham mata liu?
6Umpomahempo ia saidi' anna la Puang Allataala,
anna umpatadongkom yabo ongeam matande anna malangka'.
7Umbeem kakuasaam yabona ingganna pa'padadimMu,
umbeem kakuasaam ungkuasai ingganna-ingganna sia, susinna:
8domba, sola sapim,
anna duka' olo'-olo' lako kaliane;
9dassi yabo lawwa, anna bau dio le'bo',
sola issinna ingganna le'bo' kalua'.
10O DEBATA, Debata to kipenombai,
tä' deem pada samapuam sangamMu illaam inde lino!
Obecnie wybrane:
Pampujiam 8: BMB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.