Gyumagyihɛ 18
18
Paulo Korinto Yɔ
1Ɩnɩ ɔma a, Paulo lɔkʋsʋ tsu Atene yɔ Korinto wulutɔ. 2Ɔlɔyɔtʋ Yudayin ɔkʋá bʋtɛtɩ mʋ Akwila, bɔkwɩɩ mʋ Italia ɔmanti kʋá bʋtɛtɩ mʋ́ Pontotɔ. Akwila mʋa mʋ ka Priskila bɛba Korinto ɩnʋ mɔkʋwa ɔpá. Tsufɛ alɩ brɛ amʋtɔ a, Roma Owie Klaudio lagya Yudafɔ fɛ́ɛ́ lɛ Roma wulutɔ. Paulo lɔyɔ amʋ́ wa. 3Tati-obubi abwɛpʋ amʋ́ ɛ bʋgyi. Mʋ́ sʋ Paulo letsia amʋ́ wa, mʋa mʋnyɔ betsia bwɛ tati-obubi amʋ fɛ. 4Ɔkpʋnʋ ɔdakɛ kugyikʋ a, Paulo tɔyɔ Yudafɔ ofiakpa yɛlɛ Bulu asʋn amʋtɔ wanklaan suna Yudafɔ pʋ Grikifɔ amʋ, mɛnɩ bɔ́hɔ Yesu gyi.
5Brɛá Silas mʋa Timoteo botsu Makedonia bɔtʋ Paulo a, olesi agyʋma amʋ yɔ, pʋ Bulu asʋn amʋ ɔkanda koun bwɛ mʋ gyumagyihɛ. Oletsia gyi adansɩɛ suna Yudafɔ amʋ ɔbɛɛ, Yesu gyi Kristo, (ɔha amʋʋ Bulu lada mʋ ofuli amʋ) nɩ. 6Tamɛ bʋmɔhɔ mʋ asʋn amʋ. Bɔkʋsʋ lɩɩ mʋsʋ, sia mʋ. Mʋ́ sʋ Paulo lɔfwɩ ɩbɩ lɛ amʋ́ asʋntɔ, bla amʋ́ ɔbɛɛ, “Tsu ndɛ pʋya a, nalɛ ɩbɩ mlɩ asʋntɔ. Nɩ lowu mlɩdekle a, ɩba mlɩsʋ. Nɛyɛbla aha ánɩ́ bʋmegyi Yudafɔ mboun Bulu asʋn.” 7Ɩnɩ sʋ Paulo lɛdalɩ Yudafɔ ofiakpa ɩnʋ yetsia oyin ɔkʋá bʋtɛtɩ mʋ Tito Yustus woyitɔ. Megyi Yudayin oyin amʋ gyi, tamɛ ogyi Bulu osumpʋ. Mʋ woyi bʋ manta Yudafɔ ofiakpa ɩnʋ. 8Tamɛ Krispuá ogyi Yudafɔ ofiakpa ɩnʋ ɔhandɛ mʋa mʋ woyitɔfɔ fɛ́ɛ́ mʋ́ bɔhɔ anɩ Wie Yesu gyi. Korintofɔ amʋ tsɔtsɔɔtsɔ ɛ bohogyi, bɔbɔ amʋ́ asu.
9Ɛkɛ ɔkʋ onye a, Paulo lowun atɔ. Mʋ́tɔ a, anɩ Wie lɛbla mʋ ɔbɛɛ, “Mánya ifu. Yɔ mʋ́sʋ afʋda asʋn amʋ ɔkan wʋlɛ. Mákpa ɔnɔ bun. 10Tsufɛ mɩa fʋnyɔ na. Ɔhaa mɛ́ɛtalɩ bwɛ fʋ tɔtɔ. Mɩ aha bʋtsɔ wulu anfɩtɔ.” 11Mʋ́ sʋ Paulo letsia Korinto ɩnʋ suna aha amʋ Bulu asʋn ofi ɔkʋlɛ mʋ́a ɩfʋn.
12Brɛá Galio letsia Roma owie otsiakpa, ɔdɛ Grikifɔ ɔsasɩ ɔmanti kʋá bʋtɛtɩ mʋ́ Akaiasʋ kɩ a, Yudafɔ amʋ bɔbwɛ ɔnɔ-ɔkʋlɛ, kɩta Paulo, pʋ mʋ ya mʋ ansɩtɔ. 13Bɛɛ, “Oyin anfɩ dɛ aha asʋkpan suna ɔbɛɛ, bʋsum Bulu tsʋn ɔkpa ánɩ́ ɩlɔkʋsʋ lɩɩ anɩ mblasʋsʋ.”
14Paulo lenya bwii ɔnɔ ɔbɛɛ amʋtɔɩ alɩ Galio lɛbla Yudafɔ amʋ ɔbɛɛ, “Nɩ tsitsa ntɛ lakpan kʋ oyin anfɩ labwɛ a, tɛkɩ ɩbʋ alɛá nɛyaa asʋ nu mlɩ asʋn. 15Tamɛ ɩnɩá ada pʋ́ mlɩ onuto mbla ɩwɩ asʋn ɩwɩ nwɛn mlɩdegyi sʋ a, mlɩyɔ amlɩyɛblɩ mʋ́. Mméegyi asʋn anfɩ odu.” 16Mʋʋ ɔlɛha begya amʋ́ lɛ asʋn ogyikpa ɩnʋ a. 17Aha amʋ fɛ́ɛ́ bowuna kɩta Sostene ánɩ́ ogyi Yudafɔ ofiakpa ɩnʋ ɔhandɛ, da mʋ ɩnʋ. Tamɛ Galio motsu kʋkʋ lɛ mʋ́tɔ.
Paulo Yinki Yɔ Antiokia
18Paulo letsia ahogyipʋ amʋ wa Korinto yɔfʋn brɛ kʋ. Mʋʋ ɔlɛkla amʋ́, mʋa Priskila pʋ́ Akwila bɛnatɩ yɔ Kenkrea wulutɔ. Paulo lɛkpa mʋ nwun Kenkrea ɩnʋ, pʋsuna ánɩ́ alamɔ ntam kʋá ɔlɛka ɔnɔ. Mʋʋ botsu ntsusʋ-yibi pʋbɔyɔ Siria ɔmátɔ a. 19Brɛá bowie Efeso wulutɔ a, Paulo lɛnatɩ si Priskila mʋa Akwila, yɔ Yudafɔ ofiakpa, mʋa Yudafɔ amʋ bʋdɛ asʋntɔ lɛ ha aba. 20Bokokoli mʋ bɛɛ, ɔtra tsia amʋ́ wa kpalobi, omotsula. 21Tamɛ brɛá ɔdɛdalɩ ɔyɔ a, ɔlɛbla amʋ́ ɔbɛɛ, “Nɩ Bulu lotsula a, néyinki ba mlɩ wa.” Ɩnʋ olowie ntsusʋ-yibitɔ tsu Efeso ɩnʋ natɩ.
22Brɛá ɔlɛkplɩ Kaesarea a, ɔlɔdʋ yɔ Yerusalem yɛha ɔpasua amʋ tsia. Mʋʋ oleyinki kplɩ yɔ Antiokia a. 23Oletsia Antiokia ɩnʋ kpalobi. Mʋ́ ɔma a, ɔlɛnatɩ ɩnʋ beki Galatia pʋ́ Frigia ɔsʋlʋsʋ, ɔdɛ akasɩpʋ amʋ Bulu asʋn bla, pʋwa amʋ́ ɔwʋnlɩn.
Apolo Bulu Asʋn Ɔkanda Efeso Mʋ́a Korinto
24Alɩ brɛ amʋtɔ a, Yudayin ɔkʋá bʋtɛtɩ mʋ Apolo laba ɔbʋ Efeso wulutɔ. Bɔkwɩɩ mʋ Aleksandria, wuluá ɩbʋ Egyipte ɔmátɔ. Oyin tɔɩ, oyin Bulu asʋn wanlɩnhɛ amʋ ɛ wanklaan. 25Bosuna mʋ anɩ Wie ɔkpa amʋ. Mʋ́ sʋ Yesu ɩwɩ ɔnɔkwalɩ amʋ blɩ tɛhɩɛ wa mʋ ansigyi. Tamɛ Asu Ɔbɔpʋ Yohane asubɔ amʋ pɛ oyin. 26Apolo menya ifu. Ɔlɔwa klʋn suna atɔ Yudafɔ ofiakpa ɩnʋ wanklaan. Brɛá Priskila mʋa Akwila bonu mʋ asʋn blɩhɛ a, bɛkpa mʋ ya woyitɔ yesuna mʋ Bulu ɔkpa amʋ wanklaan dʋn alɩá oyin yaɩ. 27Brɛá Apolo lɔbwɛ agywɩɩn ɔbɛɛ, ɔbɔ́yɔ Akaia ɔsʋlʋsʋ a, ahogyipʋ amʋ bɔwa mʋ atɛtɔ-ɔnlɩn. Bɔwanlɩn ɔwʋlʋ sɩsɩ ɩnʋ ahogyipʋ bɛɛ, bʋhɔ mʋ wanklaan. Brɛá oloyowie ɩnʋ a, ɔlɛhɩɛ bʋa aha ánɩ́ ɩna Bulu awɩtɔlɛsʋ bahɔ Yesu gyi. 28Mʋa Yudafɔ amʋ begyi Bulu asʋn wanlɩnhɛ amʋ ɩwɩ nwɛn, ɔlɔtɔɩ lɛ asʋntɔ tumisʋ pʋgyi amʋ́sʋ. Ɔlɔpʋ Bulu asʋn wanlɩnhɛ amʋ suna amʋ́á Yesu gyi Kristo, (ɔha amʋʋ Bulu lada mʋ ofuli amʋ).
Obecnie wybrane:
Gyumagyihɛ 18: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Gyumagyihɛ 18
18
Paulo Korinto Yɔ
1Ɩnɩ ɔma a, Paulo lɔkʋsʋ tsu Atene yɔ Korinto wulutɔ. 2Ɔlɔyɔtʋ Yudayin ɔkʋá bʋtɛtɩ mʋ Akwila, bɔkwɩɩ mʋ Italia ɔmanti kʋá bʋtɛtɩ mʋ́ Pontotɔ. Akwila mʋa mʋ ka Priskila bɛba Korinto ɩnʋ mɔkʋwa ɔpá. Tsufɛ alɩ brɛ amʋtɔ a, Roma Owie Klaudio lagya Yudafɔ fɛ́ɛ́ lɛ Roma wulutɔ. Paulo lɔyɔ amʋ́ wa. 3Tati-obubi abwɛpʋ amʋ́ ɛ bʋgyi. Mʋ́ sʋ Paulo letsia amʋ́ wa, mʋa mʋnyɔ betsia bwɛ tati-obubi amʋ fɛ. 4Ɔkpʋnʋ ɔdakɛ kugyikʋ a, Paulo tɔyɔ Yudafɔ ofiakpa yɛlɛ Bulu asʋn amʋtɔ wanklaan suna Yudafɔ pʋ Grikifɔ amʋ, mɛnɩ bɔ́hɔ Yesu gyi.
5Brɛá Silas mʋa Timoteo botsu Makedonia bɔtʋ Paulo a, olesi agyʋma amʋ yɔ, pʋ Bulu asʋn amʋ ɔkanda koun bwɛ mʋ gyumagyihɛ. Oletsia gyi adansɩɛ suna Yudafɔ amʋ ɔbɛɛ, Yesu gyi Kristo, (ɔha amʋʋ Bulu lada mʋ ofuli amʋ) nɩ. 6Tamɛ bʋmɔhɔ mʋ asʋn amʋ. Bɔkʋsʋ lɩɩ mʋsʋ, sia mʋ. Mʋ́ sʋ Paulo lɔfwɩ ɩbɩ lɛ amʋ́ asʋntɔ, bla amʋ́ ɔbɛɛ, “Tsu ndɛ pʋya a, nalɛ ɩbɩ mlɩ asʋntɔ. Nɩ lowu mlɩdekle a, ɩba mlɩsʋ. Nɛyɛbla aha ánɩ́ bʋmegyi Yudafɔ mboun Bulu asʋn.” 7Ɩnɩ sʋ Paulo lɛdalɩ Yudafɔ ofiakpa ɩnʋ yetsia oyin ɔkʋá bʋtɛtɩ mʋ Tito Yustus woyitɔ. Megyi Yudayin oyin amʋ gyi, tamɛ ogyi Bulu osumpʋ. Mʋ woyi bʋ manta Yudafɔ ofiakpa ɩnʋ. 8Tamɛ Krispuá ogyi Yudafɔ ofiakpa ɩnʋ ɔhandɛ mʋa mʋ woyitɔfɔ fɛ́ɛ́ mʋ́ bɔhɔ anɩ Wie Yesu gyi. Korintofɔ amʋ tsɔtsɔɔtsɔ ɛ bohogyi, bɔbɔ amʋ́ asu.
9Ɛkɛ ɔkʋ onye a, Paulo lowun atɔ. Mʋ́tɔ a, anɩ Wie lɛbla mʋ ɔbɛɛ, “Mánya ifu. Yɔ mʋ́sʋ afʋda asʋn amʋ ɔkan wʋlɛ. Mákpa ɔnɔ bun. 10Tsufɛ mɩa fʋnyɔ na. Ɔhaa mɛ́ɛtalɩ bwɛ fʋ tɔtɔ. Mɩ aha bʋtsɔ wulu anfɩtɔ.” 11Mʋ́ sʋ Paulo letsia Korinto ɩnʋ suna aha amʋ Bulu asʋn ofi ɔkʋlɛ mʋ́a ɩfʋn.
12Brɛá Galio letsia Roma owie otsiakpa, ɔdɛ Grikifɔ ɔsasɩ ɔmanti kʋá bʋtɛtɩ mʋ́ Akaiasʋ kɩ a, Yudafɔ amʋ bɔbwɛ ɔnɔ-ɔkʋlɛ, kɩta Paulo, pʋ mʋ ya mʋ ansɩtɔ. 13Bɛɛ, “Oyin anfɩ dɛ aha asʋkpan suna ɔbɛɛ, bʋsum Bulu tsʋn ɔkpa ánɩ́ ɩlɔkʋsʋ lɩɩ anɩ mblasʋsʋ.”
14Paulo lenya bwii ɔnɔ ɔbɛɛ amʋtɔɩ alɩ Galio lɛbla Yudafɔ amʋ ɔbɛɛ, “Nɩ tsitsa ntɛ lakpan kʋ oyin anfɩ labwɛ a, tɛkɩ ɩbʋ alɛá nɛyaa asʋ nu mlɩ asʋn. 15Tamɛ ɩnɩá ada pʋ́ mlɩ onuto mbla ɩwɩ asʋn ɩwɩ nwɛn mlɩdegyi sʋ a, mlɩyɔ amlɩyɛblɩ mʋ́. Mméegyi asʋn anfɩ odu.” 16Mʋʋ ɔlɛha begya amʋ́ lɛ asʋn ogyikpa ɩnʋ a. 17Aha amʋ fɛ́ɛ́ bowuna kɩta Sostene ánɩ́ ogyi Yudafɔ ofiakpa ɩnʋ ɔhandɛ, da mʋ ɩnʋ. Tamɛ Galio motsu kʋkʋ lɛ mʋ́tɔ.
Paulo Yinki Yɔ Antiokia
18Paulo letsia ahogyipʋ amʋ wa Korinto yɔfʋn brɛ kʋ. Mʋʋ ɔlɛkla amʋ́, mʋa Priskila pʋ́ Akwila bɛnatɩ yɔ Kenkrea wulutɔ. Paulo lɛkpa mʋ nwun Kenkrea ɩnʋ, pʋsuna ánɩ́ alamɔ ntam kʋá ɔlɛka ɔnɔ. Mʋʋ botsu ntsusʋ-yibi pʋbɔyɔ Siria ɔmátɔ a. 19Brɛá bowie Efeso wulutɔ a, Paulo lɛnatɩ si Priskila mʋa Akwila, yɔ Yudafɔ ofiakpa, mʋa Yudafɔ amʋ bʋdɛ asʋntɔ lɛ ha aba. 20Bokokoli mʋ bɛɛ, ɔtra tsia amʋ́ wa kpalobi, omotsula. 21Tamɛ brɛá ɔdɛdalɩ ɔyɔ a, ɔlɛbla amʋ́ ɔbɛɛ, “Nɩ Bulu lotsula a, néyinki ba mlɩ wa.” Ɩnʋ olowie ntsusʋ-yibitɔ tsu Efeso ɩnʋ natɩ.
22Brɛá ɔlɛkplɩ Kaesarea a, ɔlɔdʋ yɔ Yerusalem yɛha ɔpasua amʋ tsia. Mʋʋ oleyinki kplɩ yɔ Antiokia a. 23Oletsia Antiokia ɩnʋ kpalobi. Mʋ́ ɔma a, ɔlɛnatɩ ɩnʋ beki Galatia pʋ́ Frigia ɔsʋlʋsʋ, ɔdɛ akasɩpʋ amʋ Bulu asʋn bla, pʋwa amʋ́ ɔwʋnlɩn.
Apolo Bulu Asʋn Ɔkanda Efeso Mʋ́a Korinto
24Alɩ brɛ amʋtɔ a, Yudayin ɔkʋá bʋtɛtɩ mʋ Apolo laba ɔbʋ Efeso wulutɔ. Bɔkwɩɩ mʋ Aleksandria, wuluá ɩbʋ Egyipte ɔmátɔ. Oyin tɔɩ, oyin Bulu asʋn wanlɩnhɛ amʋ ɛ wanklaan. 25Bosuna mʋ anɩ Wie ɔkpa amʋ. Mʋ́ sʋ Yesu ɩwɩ ɔnɔkwalɩ amʋ blɩ tɛhɩɛ wa mʋ ansigyi. Tamɛ Asu Ɔbɔpʋ Yohane asubɔ amʋ pɛ oyin. 26Apolo menya ifu. Ɔlɔwa klʋn suna atɔ Yudafɔ ofiakpa ɩnʋ wanklaan. Brɛá Priskila mʋa Akwila bonu mʋ asʋn blɩhɛ a, bɛkpa mʋ ya woyitɔ yesuna mʋ Bulu ɔkpa amʋ wanklaan dʋn alɩá oyin yaɩ. 27Brɛá Apolo lɔbwɛ agywɩɩn ɔbɛɛ, ɔbɔ́yɔ Akaia ɔsʋlʋsʋ a, ahogyipʋ amʋ bɔwa mʋ atɛtɔ-ɔnlɩn. Bɔwanlɩn ɔwʋlʋ sɩsɩ ɩnʋ ahogyipʋ bɛɛ, bʋhɔ mʋ wanklaan. Brɛá oloyowie ɩnʋ a, ɔlɛhɩɛ bʋa aha ánɩ́ ɩna Bulu awɩtɔlɛsʋ bahɔ Yesu gyi. 28Mʋa Yudafɔ amʋ begyi Bulu asʋn wanlɩnhɛ amʋ ɩwɩ nwɛn, ɔlɔtɔɩ lɛ asʋntɔ tumisʋ pʋgyi amʋ́sʋ. Ɔlɔpʋ Bulu asʋn wanlɩnhɛ amʋ suna amʋ́á Yesu gyi Kristo, (ɔha amʋʋ Bulu lada mʋ ofuli amʋ).
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation