Devidi-Anume 3
3
Ḅarasụa Ḅii Dede Tẹkẹ
1KỊNỊNYANAḄỌ, si kẹ ị̀ tọn-arị apụ ḅakam,
kịẹnkịẹn-ọkụ-ofori apụ ị̀ na tụḅụrụarị!
2Ini ị̀ kẹ fie-fie tẹ ḅẹẹm,
“Tamụnọ ḅarasụa ọ̀ pịrị ḅịa.”
3Kụma, Yei KỊNỊNYANAḄỌ,
anie sakị mamgba ì ekpeke tẹ ye kẹ ị̀ lama ḅẹ ye da-sikimarị,
owu-ḅara-iḅi kẹ ị̀ pịrịarị
tẹ mịẹ tẹ à siin ḅiokpọarị.
4À ḅarasụa gotẹ KỊNỊNYANAḄỌ ḅe tẹkẹarị,
tẹ ori ọ̀ fịafịa tụndụ mẹ ọgọnọ sime tẹ ị̀ tẹkẹ pakịrịarị.
5À ḅọlọlọ tẹ monoarị sakị
KỊNỊNYANAḄỌ ḅe ị̀ gbaịn-arị bebe ḍin mẹ ḅụ.
6Si kẹ ị̀ tọn-arị ẹndẹ-ẹndẹ ma gotẹ à ḅalafa-a
anie pakịrị-pakịrị ḅụ ì ikelema-koro wararị apụ ma.
7KỊNỊNYANAḄỌ, ḅoo! Ị̀ ḅọrọmaa, ị̀ Tamụnọ!
Ị́yẹrị fomu-ḅara kẹ si kẹ ị̀ tọn apụ mamgba pịrị
tẹ mịẹ tẹ ịn ḅarị kụrọ nyana tẹ ye kẹ ị̀ lama ma.
8KỊNỊNYANAḄỌ ḅe ḅara ḅụ mie owu-ḅara-iḅi ḅoarị;
yee ori ori atomi boma.
(C) The Bible Society of Nigeria