भजनमैं 149
149
याहवेहए ल्हागिर छारा क्वे घ्रि प्रिंन्
1हल्लेलूयाह!
याहवेहए ल्हागिर छारा क्वे घ्रि प्रिंन्,
खीजी बिब् ङिंब्मैंने बालु तसि खीए मिं थेब् लद्!
2ह्रोंसलाइ बनेबै परमेश्वरर्न इस्राएल सैं तोंरिगे;
सियोनर्बै म्हिमैं ह्रोंसए म्रुँने सैं तोंरिगे!
3सेदै चमैंइ खीए मिं थेब् लरिगे,
धै खैंचडी नेरो बीणा ह्रासि चमैंइ खीए क्वेमैं प्रिंरिगे!
4तलेबिस्याँ ह्रोंसए म्हिमैं म्रोंसि याहवेह सैं तोंम्;
कुरब्मैंलाइ खीजी ट्होगों लमिंम्।
5खीजी बिब् ङिंब्मैं ट्होगों तल् योंमा सैं तोंरिगे;
धै रोबै क्ल्ह्योरै या सैं तोंदै क्वेमैं प्रिंरिगे।
6चमैंए सुँइ परमेश्वरए क्वेमैं प्रिंरिगे।
अरू ह्रेंमैंने खि किंबै ल्हागिर,
7म्हिमैंलाइ दण्ड पिंबै ल्हागिर,
चमैंए म्रुँमैं सँउँलिइ
8नेरो चमैंए चिब्मैं पैइ फैबै ल्हागिर
धै चमैंए बिरोधर प्ह्रिब् धोंले निसाफ लबै ल्हागिर
9परमेश्वरए म्हिमैंइ धार ङ्हिं मुँबै सेलाँ छेरिगे!
छ लस्याँ खीजी बिब् ङिंब्मैं ताँनइ मान योंम्।
हल्लेलूयाह! याहवेहए मिं थेब् लद्!
Obecnie wybrane:
भजनमैं 149: GCMB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2020, Wycliffe Bible Translators, Inc. All rights reserved.