ROMANOS 10
10
1Hermanos, cheqamanta sonqoypa munaynenqa, Diosmanta mañakuyniypis, israelitas salvasqas kanankupaj. 2Paykunamanta willani Diosta munakusqankuta; manataj cheqan yachayman jinachu. 3Diospa cheqan kayninta mana rejsispa, paykunaj munaynillankuta ruwayta munarqanku. Diospa cheqan kayninta mana kasorqankuchu. 4Leypa tukukuynenqa Cristomin, tukuy paypi creejkuna Diospaj cheqan runas kanankupaj.
5Chayrayku cheqan kajmanta leynejta Moisés ajinata escriberqa: Pipis leyta junt'ajqa, paynejta kausanqa. 6Fenejta cheqan kajrí, ajinata nin: Ama sonqoykipi ninkichu: Pitaj janaj pachaman wicharenqarí? Kay niyta munan Cristota Kay pachaman uraykuchimunapaj. 7Chayrí, pitaj ukhu pachaman uraykonqari? Chayqa niyta munan: Cristota wañusqakunamanta wicharichinapaj. 8Astawan, ima nintajri? Palabraqa qayllaykipi kashan, simiykipi, sonqoykipitaj. Kaymin femanta yachachisqayku palabraqa. 9Sichus simiykiwan niwaj Jesusqa Señor kasqanta, creewajtaj sonqoykipi Dios wañusqakunamanta kausarichimusqanta chayqa, salvasqa kanki. 10Runaqa sonqowan creen Dioswan cheqa kajpi kanapaj, simiwantajrí willakunchej salvaciompaj.
11Escriturapeqa nin: Tukuy paypi creejqa, mana p'enqaypi rikhurenqachu. 12Judío runawan, griego runawanqa uj rejlla kanku. Ujlla Señorqa tukuypata, qhapajtaj tukuy payta wajyakojkunapaj. 13Pillapis Señorpa sutinta wajyakojqa salvasqa kanqa. 14Imaynatataj wajyakonqanku mana paypi creespari? Imaynatataj creenqanku paymanta mana uyarispari? Imaynatataj uyarenqanku paykunaman mana pipis willajtinri? 15Imaynatataj willanqanku mana kachasqas kaspari? Escribisqapi nishan: May k'achapuni sonqo tiyakuyta allin imastataj willajkunaj chakisninkoqa!
16Manataj tukuychu kasorqanku evangeliotaqa; chayrayku Isaías nin: Señor, pitaj creerqa willasqaykutari?, nispa. 17Ajinaqa uyariynejta feqa jamun, uyariypis Cristoj palabrannejta jamun.
18Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama. 19Ujtawan nillanitaj: Manachu kaytaqa Israel ayllu rejserqa? Ñaupajtaña Moisés nerqa: Noqa uj llajtawan jap'inachisqaykichej. Chay llajtaqa mana noqajtachu. Mana yuyayniyoj llajtawantaj phiñanachisqaykichej. 20Isaías sut'ita nillantaj: Mana mask'awajkuna tariwanku; rikuchikorqanitaj noqamanta mana tapukojkunaman. 21Israel ayllumanta nin: Sapa p'unchay wajyarqani mana kasukoj, churanakoj aylluta.
Obecnie wybrane:
ROMANOS 10: QCHSB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Qheshwa Biblia DC © Sociedades Bíblicas Unidas, 1986.
