Mga Salmo 61
61
Pag-ampo alang sa Panalipod#ANG ULOHAN SA HEBREO: Ngadto sa Pangulong Musikero. Duyogan sa tulunggon nga may kuwerdas. Salmo ni David.
1Patalinghogi ang akong pagtuaw ug pag-ampo, O Dios!
2Nagsangpit ako kanimo gikan sa layong dapit
kay dako ang akong kaguol.
Dad-a ako sa dapit nga walay peligro,
3kay ikaw man ang akong dalangpanan
ug lig-ong panalipod batok sa akong mga kaaway.
4Papuy-a ako sa imong balay sa tibuok kong kinabuhi;
salipdi ako sa imong mga pako.
5Nadungog mo, O Dios, ang akong mga saad,
ug gihatagan mo ako sa mga panalangin nga ila sa mga nagpasidungog kanimo.
6Lugwayi ang kinabuhi sa hari,
ug buhia siya hangtod sa kahangtoran!
7Maghari unta siya kanunay diha sa imong presensya, O Dios;
panalipdi siya sa imong gugma nga walay paglubad
ug sa imong pagkamaunongon.
8Busa mag-awit ako kanunayg mga pagdayeg kanimo
inighalad ko adlaw-adlaw sa gisaad ko kanimo.
Obecnie wybrane:
Mga Salmo 61: MBBCEB99
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Maayong Balita Biblia © Philippine Bible Society, 1999.