Mga Salmo 3
3
Buntagon nga Pag-ampo#ANG ULOHAN SA HEBREO: Salmo ni David sa dihang miikyas siya gikan kang Absalom nga iyang anak. #2 Sam. 15:13–17:22.
1O Ginoo, daghan ang nakig-away kanako,
daghan ang nakigbatok kanako.
2Mahitungod kanako miingon sila,
“Dili siya tabangan sa Dios.”
3Apan ikaw, O Ginoo,
ang taming ko kanunay sa mga katalagman;
gihatagan mo akog kadaogan
ug gipahiuli mo kanako ang kadasig.
4Nagpakitabang ako, O Ginoo,
ug gikan sa bungtod nimong balaan gitubag mo ako.
5Mohigda ako ug matulog ug momata nga malinawon
kay nagbantay man kanako ang Ginoo.
6Dili ako mahadlok sa linibo nga kaaway
nga naglibot kanako.
7Dali, O Ginoo,
luwasa ako, O akong Dios!
Silotan mo ang tanan kong kaaway
ug kuhaag gahom ang tanang mga daotan.
8Ikaw ang moluwas, O Ginoo,
panalanginan mo unta ang imong katawhan.
Obecnie wybrane:
Mga Salmo 3: MBBCEB99
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Maayong Balita Biblia © Philippine Bible Society, 1999.