Mga Salmo 13
13
Pag-ampo sa Pagpakitabang#ANG ULOHAN SA HEBREO: Salmo ni David. Ngadto sa Pangulong Musikero.
1Hangtod kanus-a ikaw malimot kanako, O Ginoo?
Hangtod ba sa kahangtoran?
Hangtod kanus-a ka magtago gikan kanako?
2Hangtod kanus-a ba ako mag-antos sa mga kasakit?#13:2 mag-antos…kasakit: Sa Hebreo, ako hasulon sa akong hunahuna.
Hangtod kanus-a ba puno ang akong kasingkasing
sa kaguol adlaw ug gabii?
Hangtod kanus-a ako daugdaogon
sa akong mga kaaway?
3Tan-awa ug tubaga ako, O Ginoo nga akong Dios.
Ibalik ang akong kusog aron dili ako mamatay;
4aron dili na makaingon ang akong mga kaaway,
“Nabuntog namo siya,”
ug aron dili na sila mangalipay sa akong kapildihan!
5Apan misalig ako sa imong gugmang walay paglubad,
ug ako malipay gayod kay imo man akong giluwas.
6Awitan ko ikaw, O Ginoo,
kay maayo ka man kaayo kanako.
Obecnie wybrane:
Mga Salmo 13: MBBCEB99
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Maayong Balita Biblia © Philippine Bible Society, 1999.