Salmos 128
128
Díos ncheñao ti chojni titekaon ti jehe
1Díos ncheñaon ti nkexro tjikosáyehe ti jehe chꞌan
la ko ixri ti nti̱a kuènté chꞌan.
2La ti ó sinte ti nkehe tsíkꞌónaha
kixin ti ixra̱ tsíkji̱chꞌexián itjá
la tso̱cháha la ko jína tsjakꞌe.
3Ti ichjián la éxi inta to uva
tsíkꞌóna nchónhña ito itjen ti ndo̱a
la ti xja̱an la éxi ti inta olivo
tsíka̱ntatjen ti mesa kuèntá.
4Mé xi̱kaha sincheñao Itꞌéni Díos ti nkexro
nchexiteyéhe ti jehe chꞌan.
5Itꞌéni Díos sincheñaoxin chꞌan ti jaha chritaón ti ijna̱ Sión
ndá jaha la tsꞌikuan kixin jína tsjakꞌe ti chjasin Jerusalén
kaín ti ña̱o na̱xa̱ tsjakꞌe jaha,
6la tsꞌikuan ti xja̱an la ko ti ìntá, tsꞌánkí sin.
Díos mé sincheñao ti sin Israel kixin kjuaxróxin tsꞌejó sin.
Obecnie wybrane:
Salmos 128: poeNTplus
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2016, Wycliffe Bible Translators, Inc. All rights reserved.