پولُسئے کاگد په رومیان 9
9
هُدائے گچێن کرتگێن مردم
1مَسیه شاهد اِنت که من راستَ گوَشان و درۆگَ نبندان، منی زمیر پاکێن روهئے برکتا اے هبرئے شاهدیا دنت که 2منا سۆزناکێن اندۆه و مُدامیێن دردے دلا اِنت. 3درێگتا وتی براتانی هاترا، هما که جسمی هسابا منی همکئوم اَنت، آیانی هاترا من نالت کنگ بوتێنان و چه مَسیها بسِستێنان. 4آ، اِسراییلی اَنت و هُدایا زُرتگ و وتی چُکّ کرتگاَنت. شان و شئوکت، اَهد و پئیمان، شَریَت، اِبادتئے راه و رَهبند و هُدائے لبز و کرار همایانیگ اَنت. 5بُنپیرُک همایانیگ اَنت و مَسیه هم جِسمی هسابا چه همایانی نَسلا اِنت، مسیه که سجّهێنانی هُدا اِنت، آییا مُدام ستا و سنا بات. آمین.
6چُش نهاِنت که هُدائے هبر بےاَسر و ناکار بوتگ. چێا که سجّهێن بنی اِسراییلی هَکّ و دِلا اِسراییلی نهاَنت. 7اِبراهێمئے هر چُکّ و نُماسگ ایمانئے هسابا آییئے نسل و پدرێچ نهاِنت. بزان ”تئیی نَسل و پَدرێچ چه اِساکا هساب بیت.“#9:7 پێدائِش 21:12. 8اے چیزّ پێشَ داریت که هر جِسمی چُکّ هُدائے چُکّ هسابَ نبیت، واده داتگێن چُکّ اِبراهێمئے نَسل و پَدرێچ هسابَ بنت. 9پرچا که واده و کرار چُش اَت: ”آیۆکێن سالا همے وهدا من پِرَ تَرّان و سارَها مردێنچُکّے گوَرانَ بیت.“#9:9 پێدائِش 18:10. 10تهنا اے نهاَت، رِبِکّائے جاڑێن چُکّانی پت هما یکّێن اَت، بزان مئے بُنپیرک اِساک. 11-12بله چه اِشیا پێسر که چُکّ پێدا ببنت و نێکێن یا بدێن کار بکننت، گۆن رِبِکّایا گوَشگ بوت که ”مسترێن کَسترێنئے هِزمتا کنت.“#9:11–12 پێدائِش 25:23. اے ڈئولا هُدا وت گِچێنَ کنت و گۆن اے کارا وتی اِرادها بَرجاه داریت. انسانئے کار و کِردا نچاریت، وت اِنسانا گْوانکَ جنت. 13اَنچُش که نِبیسگ بوتگ: ”آکوب منا دۆست اَت و ایسّو نادۆست.“#9:13 مَلاکی نَبیئے کتاب 1:2-3.
14گڑا چے بگوَشێن؟ هُدا نااِنساپ اِنت؟ هچبر! 15چێا که گۆن موسّایا گوَشیت: ”هرکَسئے سرا که منا رهم کنگی اِنت، رهمَ کنان و گۆن هرکَسا که منا همدردی کنگی اِنت، همدردیَ کنان.“#9:15 دَررئو 33:19. 16بزان، اے اِنسانئے واهگ و وَسئے سرا نبیت، رَهم کنگ هُدائے دستا اِنت. 17پرچا که پاکێن کتابا هُدا گۆن پِرئونا گوَشیت: ”من ترا پمێشکا مزنی داتگ که وتی زۆر و واکا#9:17 واک، بزان زۆر، تاکت. ترا پێش بداران و سجّهێن جهانا منی نامئے جار جنَگ ببیت.“#9:17 دَررئو 9:16. 18گڑا بزان، هُدا هرکَسئے سرا که بلۆٹیت رَهمَ کنت و هرکَسئے دلا که بلۆٹیت سِنگَ کنت.
هُدائے کَهر و رَهم
19تئو چه من جُستَ کنئے: ”گڑا هُدا چێا اَنگت مارا مئیاربارَ کنت؟ آییئے اِرادهئے دێما کئے اۆشتاتَ کنت؟“ 20بله، او اِنسان! تئو کئے ائے که گۆن هُدایا همجوابیَ کنئے؟ اے شَرّێن هبرے نهاِنت که اڈّ کرتگێنے وتی اَڈّ کنۆکا بگوَشیت: ”تئو چێا منا اے پئیما اَڈّ کرتگ.“ 21زانا، کوزهگَرا#9:21 کوزهگَر، بزان هما مردم که کُمب و کونزگ اڈَّ کنت. اے هَکّ نێست که چه گِلئے یکّێن چانَگا یکّ دَرپے په هاسێن کارێا و دگرے په اَنچاێن کارێا اَڈّ بکنت؟
22گڑا چے؟ هرچُنت که هُدایا وتی کَهر و گَزب پێش دارگ و وتی واک و کدرت زاهر کنگَ لۆٹت، بله اَنگت گۆن مزنێن سبر و اۆپارے هما مردمانی برداشتیَ کرت که کَهر و گَزبئے چێرا اَتنت و په گار و گُمسار بئیگا تئیار اَتنت. 23گڑا چے؟ بلکێن آییا چُش کرت تانکه وتی گنجێن شان و شئوکتا هما مردمان پێش بداریت که آیانی سرا رَهمَ کنت، هما مردم که هُدایا چه پێسرا په وتی شان و شئوکتا تئیار کرتگاَتنت. 24ما هم هُدائے گْوانک جتگێن اێن، تهنا یهودی نه، دَرکئوم هم. 25اَنچُش که هوشا نَبیئے کتابا هُدا گوَشیت:
”هما که منی کئوم نهاَت، من آییا وتی کئومَ کنان،
هما که منی دُردانگ نهاَت من آییا وتی دُردانگَ کنان.“ # 9:25 هوشا نَبیئے کتاب 2:23.
26اَنچُش هم:
”هما مُلکا که گۆن آیان گوَشگ بوت: ’شما منی کئوم نهاێت،‘
اۆدا آ، نمیرانێن هُدائے چُکّ گوَشگَ بنت.“ # 9:26 هوشا نَبیئے کتاب 1:10.
27بله اِسراییلئے بارئوا اِشئیا نَبی جارَ جنت و گوَشیت:
”بِلّ ترے بنی اِسراییلئے چُکّ دَریائے رێکانی کِساسا باز ببنت،
بله چه آیان تهنا کَسانێن پَشت کپتگێن بَهرے رَکّیت.
28 چێا که هُداوند زمینئے سرا وتی سزایا په تێزی و مُهکمی کاریت.“ # 9:28 اِشئیا نَبیئے کتاب 10:22-23.
29هما پئیما که اِشئیا نَبیا پێسرا گوَشتگ:
”اگن لشکرانی هُداوندا په ما نَسل و پَدرێچ مهاِشتێن،
گڑا ما سُدومئے مردمانی پئیما بوتگاَتێن
گُمورَهئے مردمانی پئیما.“ # 9:29 اِشئیا نَبیئے کتاب 1:9.
اِسراییلئے ناباوری
30نون چے بگوَشێن؟ هما دَرکئوم که راستاوری و بێمئیاریئے شۆهازا نهاَتنت، راستاوریاِش رَسِت، هما راستاوری که چه ایمانا کئیت. 31بله اِسراییلی که چه شَریَتئے راها راستاوریئے شۆهازا اَتنت، چه شَریَتئے راها په راستاوریا سر نبوتنت. 32پرچا سر نبوتنت؟ پمێشکا که آیانی اے شۆهازئے بُنیاد ایمان نهاَت، کار و کِرد اَت. آیان مان گیشّێنۆکێن سِنگئے سرا ٹَگل وارت. 33اَنچُش که نِبشته اِنت:
”من سَهْیونا سِنگے # 9:33 اِدا سِنگ په ایسّا مَسیها اِشارهے. اێرَ کنان که مردمانَ ٹَگلێنیت،
ڈۆکے که آیان دئورَ دنت،
هرکَس که آییئے سرا ایمانَ کاریت شرمندگَ نبیت.“ # 9:33 اِشئیا نَبیئے کتاب 8:14؛ 28:16.
Obecnie wybrane:
پولُسئے کاگد په رومیان 9: HPKB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2016-22 Wycliffe Bible Translators, Inc.
پولُسئے کاگد په رومیان 9
9
هُدائے گچێن کرتگێن مردم
1مَسیه شاهد اِنت که من راستَ گوَشان و درۆگَ نبندان، منی زمیر پاکێن روهئے برکتا اے هبرئے شاهدیا دنت که 2منا سۆزناکێن اندۆه و مُدامیێن دردے دلا اِنت. 3درێگتا وتی براتانی هاترا، هما که جسمی هسابا منی همکئوم اَنت، آیانی هاترا من نالت کنگ بوتێنان و چه مَسیها بسِستێنان. 4آ، اِسراییلی اَنت و هُدایا زُرتگ و وتی چُکّ کرتگاَنت. شان و شئوکت، اَهد و پئیمان، شَریَت، اِبادتئے راه و رَهبند و هُدائے لبز و کرار همایانیگ اَنت. 5بُنپیرُک همایانیگ اَنت و مَسیه هم جِسمی هسابا چه همایانی نَسلا اِنت، مسیه که سجّهێنانی هُدا اِنت، آییا مُدام ستا و سنا بات. آمین.
6چُش نهاِنت که هُدائے هبر بےاَسر و ناکار بوتگ. چێا که سجّهێن بنی اِسراییلی هَکّ و دِلا اِسراییلی نهاَنت. 7اِبراهێمئے هر چُکّ و نُماسگ ایمانئے هسابا آییئے نسل و پدرێچ نهاِنت. بزان ”تئیی نَسل و پَدرێچ چه اِساکا هساب بیت.“#9:7 پێدائِش 21:12. 8اے چیزّ پێشَ داریت که هر جِسمی چُکّ هُدائے چُکّ هسابَ نبیت، واده داتگێن چُکّ اِبراهێمئے نَسل و پَدرێچ هسابَ بنت. 9پرچا که واده و کرار چُش اَت: ”آیۆکێن سالا همے وهدا من پِرَ تَرّان و سارَها مردێنچُکّے گوَرانَ بیت.“#9:9 پێدائِش 18:10. 10تهنا اے نهاَت، رِبِکّائے جاڑێن چُکّانی پت هما یکّێن اَت، بزان مئے بُنپیرک اِساک. 11-12بله چه اِشیا پێسر که چُکّ پێدا ببنت و نێکێن یا بدێن کار بکننت، گۆن رِبِکّایا گوَشگ بوت که ”مسترێن کَسترێنئے هِزمتا کنت.“#9:11–12 پێدائِش 25:23. اے ڈئولا هُدا وت گِچێنَ کنت و گۆن اے کارا وتی اِرادها بَرجاه داریت. انسانئے کار و کِردا نچاریت، وت اِنسانا گْوانکَ جنت. 13اَنچُش که نِبیسگ بوتگ: ”آکوب منا دۆست اَت و ایسّو نادۆست.“#9:13 مَلاکی نَبیئے کتاب 1:2-3.
14گڑا چے بگوَشێن؟ هُدا نااِنساپ اِنت؟ هچبر! 15چێا که گۆن موسّایا گوَشیت: ”هرکَسئے سرا که منا رهم کنگی اِنت، رهمَ کنان و گۆن هرکَسا که منا همدردی کنگی اِنت، همدردیَ کنان.“#9:15 دَررئو 33:19. 16بزان، اے اِنسانئے واهگ و وَسئے سرا نبیت، رَهم کنگ هُدائے دستا اِنت. 17پرچا که پاکێن کتابا هُدا گۆن پِرئونا گوَشیت: ”من ترا پمێشکا مزنی داتگ که وتی زۆر و واکا#9:17 واک، بزان زۆر، تاکت. ترا پێش بداران و سجّهێن جهانا منی نامئے جار جنَگ ببیت.“#9:17 دَررئو 9:16. 18گڑا بزان، هُدا هرکَسئے سرا که بلۆٹیت رَهمَ کنت و هرکَسئے دلا که بلۆٹیت سِنگَ کنت.
هُدائے کَهر و رَهم
19تئو چه من جُستَ کنئے: ”گڑا هُدا چێا اَنگت مارا مئیاربارَ کنت؟ آییئے اِرادهئے دێما کئے اۆشتاتَ کنت؟“ 20بله، او اِنسان! تئو کئے ائے که گۆن هُدایا همجوابیَ کنئے؟ اے شَرّێن هبرے نهاِنت که اڈّ کرتگێنے وتی اَڈّ کنۆکا بگوَشیت: ”تئو چێا منا اے پئیما اَڈّ کرتگ.“ 21زانا، کوزهگَرا#9:21 کوزهگَر، بزان هما مردم که کُمب و کونزگ اڈَّ کنت. اے هَکّ نێست که چه گِلئے یکّێن چانَگا یکّ دَرپے په هاسێن کارێا و دگرے په اَنچاێن کارێا اَڈّ بکنت؟
22گڑا چے؟ هرچُنت که هُدایا وتی کَهر و گَزب پێش دارگ و وتی واک و کدرت زاهر کنگَ لۆٹت، بله اَنگت گۆن مزنێن سبر و اۆپارے هما مردمانی برداشتیَ کرت که کَهر و گَزبئے چێرا اَتنت و په گار و گُمسار بئیگا تئیار اَتنت. 23گڑا چے؟ بلکێن آییا چُش کرت تانکه وتی گنجێن شان و شئوکتا هما مردمان پێش بداریت که آیانی سرا رَهمَ کنت، هما مردم که هُدایا چه پێسرا په وتی شان و شئوکتا تئیار کرتگاَتنت. 24ما هم هُدائے گْوانک جتگێن اێن، تهنا یهودی نه، دَرکئوم هم. 25اَنچُش که هوشا نَبیئے کتابا هُدا گوَشیت:
”هما که منی کئوم نهاَت، من آییا وتی کئومَ کنان،
هما که منی دُردانگ نهاَت من آییا وتی دُردانگَ کنان.“ # 9:25 هوشا نَبیئے کتاب 2:23.
26اَنچُش هم:
”هما مُلکا که گۆن آیان گوَشگ بوت: ’شما منی کئوم نهاێت،‘
اۆدا آ، نمیرانێن هُدائے چُکّ گوَشگَ بنت.“ # 9:26 هوشا نَبیئے کتاب 1:10.
27بله اِسراییلئے بارئوا اِشئیا نَبی جارَ جنت و گوَشیت:
”بِلّ ترے بنی اِسراییلئے چُکّ دَریائے رێکانی کِساسا باز ببنت،
بله چه آیان تهنا کَسانێن پَشت کپتگێن بَهرے رَکّیت.
28 چێا که هُداوند زمینئے سرا وتی سزایا په تێزی و مُهکمی کاریت.“ # 9:28 اِشئیا نَبیئے کتاب 10:22-23.
29هما پئیما که اِشئیا نَبیا پێسرا گوَشتگ:
”اگن لشکرانی هُداوندا په ما نَسل و پَدرێچ مهاِشتێن،
گڑا ما سُدومئے مردمانی پئیما بوتگاَتێن
گُمورَهئے مردمانی پئیما.“ # 9:29 اِشئیا نَبیئے کتاب 1:9.
اِسراییلئے ناباوری
30نون چے بگوَشێن؟ هما دَرکئوم که راستاوری و بێمئیاریئے شۆهازا نهاَتنت، راستاوریاِش رَسِت، هما راستاوری که چه ایمانا کئیت. 31بله اِسراییلی که چه شَریَتئے راها راستاوریئے شۆهازا اَتنت، چه شَریَتئے راها په راستاوریا سر نبوتنت. 32پرچا سر نبوتنت؟ پمێشکا که آیانی اے شۆهازئے بُنیاد ایمان نهاَت، کار و کِرد اَت. آیان مان گیشّێنۆکێن سِنگئے سرا ٹَگل وارت. 33اَنچُش که نِبشته اِنت:
”من سَهْیونا سِنگے # 9:33 اِدا سِنگ په ایسّا مَسیها اِشارهے. اێرَ کنان که مردمانَ ٹَگلێنیت،
ڈۆکے که آیان دئورَ دنت،
هرکَس که آییئے سرا ایمانَ کاریت شرمندگَ نبیت.“ # 9:33 اِشئیا نَبیئے کتاب 8:14؛ 28:16.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2016-22 Wycliffe Bible Translators, Inc.