Popularne wersety biblijne z Matthew 19

Udostępnij

Zezì goghàeda xè hadı, “Dǫ gıgha dìì hǫt'e, hanìkò Nǫ̀htsı̨ sìı wegha t'asìı dìì gǫ̀hłı̨ nıìle,” gòhdı.

Eyıt'à dǫ nàke agı̨ı̨t'e-le, hanìkò dǫ ı̨łè zǫ lagı̨ı̨t'e. Eyıt'à Nǫ̀htsı̨ dǫ nàke ełeghàgòı̨laa sìı dǫ wı̨ı̨zìı ełets'ǫǫ̀ agole ha nıìle,” Zezì gòhdı.

Zezì gots'ǫ̀ hadı, “Nǫ̀htsı̨ Nı̨htł'è k'e dıı hanì dek'eèhtł'è wek'eyaahtı-le nì? Dıı nèè hòèlı̨ ekò Nǫ̀htsı̨ ‘dǫzhìı eyıts'ǫ ts'èko whehtsı̨,’ dek'eèhtł'è, eyıts'ǫ Nǫ̀htsı̨-Gotà dıı hadı, ‘Eyı ts'ıhɂǫ̀ dǫzhìı edetà eyıts'ǫ edemǫ gots'ǫǫ̀ xàetła ha. Edets'èkeè xè ı̨łè lanì ha, eyıts'ǫ eyı nàke geet'èe sìı edezhį̀į̀ t'à dǫ ı̨łè lagede ha hǫt'e,’ wek'eyaahtı-le nì?

Hanìkò Zezì edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ hǫt'e,” gòhdı.

Dǫ t'akwe geèhkw'ee sìı nǫǫde geèhkw'eè agedle ha, eyıts'ǫ dǫ nǫǫde geèhkw'ee sìı t'akwe geèhkw'eè agedle ha,” Zezì gòhdı.

Amìı sets'ıhɂǫ̀ edekǫ̀, edechı, ededè, edetà, edemǫ, edeza, eyıts'ǫ wets'ǫ dèè gots'ǫǫ̀ naèhtła k'èxa, eyı weɂǫ̀ǫ̀ ı̨łèakw'eènǫ laàtłǫ ts'ǫ̀ weghǫ̀zhe ha eyıts'ǫ welǫ whìle ts'ǫ̀ edaa eyı sı weghǫ̀t'à ha.

Zezì hayèhdı, “Degaı nelı̨ ha neewǫ nı̨dè t'asìı hazǫǫ̀ nets'ǫ sìı hazǫǫ̀ neghǫ nàedì gà eyı wesǫǫ̀mbaà hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'eı̨da,” Zezì yèhdı.

Zezì yets'ǫ̀ hadı, “Ayìıha t'asìı nezı̨ı̨ sìı ghǫ dası̨ı̨hke, Nǫ̀htsı̨ zǫ nezı̨ hǫt'e. Welǫ whìle ts'ǫ̀ ı̨da ha neewǫ nı̨dè nàowo dek'eèhtł'èe sìı k'èanet'e,” yèhdı.

K'achı̨ ehkw'ı anaxèehsı̨, dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha dìì hǫt'e. Eyı nahk'e tıts'aàdìıcho datı̨htł'à-k'è deghaetła gha sìı denahk'e dìì-le hǫt'e,” Zezì gòhdı.

Ehkw'ı anaxèehsı̨, dǫzhìı wets'èkeè dǫ eyıì-le xè hołı̨ı̨ hòèhtsı̨-le kò ɂǫ̀yeèdo gà ts'èko eyıì-le xè honǫ̀ǫdza nı̨dè, hołı̨ı̨ hòèhtsı̨ hǫt'e,” Zezì gòhdı.

Zezì edecheekeè ts'ǫ̀ hadı, “Ehkw'ı anaxèehsı̨, dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha wèhoedı-le hǫt'e.