Popularne wersety biblijne z Matthew 18

Udostępnij

Dǫ nàke, dǫ taı sıızì dahxà łą̀ą nègı̨ı̨de gà yagehtı nı̨dè gıxè whıhda ha hǫt'e,” Zezì gòhdı.

“Eyıts'ǫ naxıts'ǫ̀ dıı haehsı̨: secheekeè nàke t'asìı geekè gha ełek'ę̀ę̀ agı̨ı̨wǫ nı̨dè Setà yak'e whedaa sìı gogha hayele ha.

Zezì chekoa nechà-lea ts'ǫ̀ gode gà edecheekeè gota nàwoò ayį̀į̀là. Hadı, “Ehkw'ı anaxèehsı̨, eładı̨į̀ adèahłà xè dıı chekoa nechà-lea lanì adèahłà lenǫsıı Nǫ̀htsı̨ Wenàowoò k'ę̀ę̀ hòɂǫǫ goyaahdè hǫı̨lı̨ ha nıìle.

Eyıt'à amìı dıı chekoa nechà-lea lanì k'èeweèt'ı̨ edeetsı̨ı̨ sìı Nǫ̀htsı̨ Wenàowoò k'ę̀ę̀ hòɂǫǫ gha denahk'e elı̨ hǫt'e.

“Amìı sıızì dahxà dıı chekoa nechà-lea lanıı ts'ǫ̀ nezı̨į̀ anıwǫǫ sìı sı̨ sets'ǫ̀ nezı̨į̀ anıwǫ hǫt'e.

“Ehkw'ı anaxèehsı̨, dıı nèk'e naxı̨ t'asìı t'ahoòyį̀ı̨ wesınìyaahtıı sìı yak'e sı wesınìyaetı ha hǫt'e, eyıts'ǫ dıı nèk'e naxı̨ t'asìı t'ahoòyį̀ı̨ wesınìyaahtı-le sìı yak'e sı wesınìyaetı ha-le.

“Eyıt'à naxıdzeè t'à naxèot'ı̨ gıghǫ nahoahłe-le nı̨dè Setà yak'e whedaa sìı hanì naxıts'ǫ̀ eghàlaeda ha hǫt'e,” Zezì gòhdı.

Hanìkò dıı lanıı chekoa nechà-lea gıgha ehkw'ı aehsı̨ı̨ sìı amìı hołı̨ı̨ hogehtsı̨į̀ agohɂı̨ nı̨dè eyı dǫ wegha hoìla ha hǫt'e. Dǫ hanì hojıì hohtsı̨ ch'à wek'o k'e kwe nedàa wexeetł'ı̨ gà tègı̨ı̨xà nı̨dè denahk'e wegha nezı̨ ha hǫt'e.

“Dǫ ı̨łè sahzǫ̀ą ı̨łèakw'eènǫ wets'ǫ hanìkò ı̨łè weghǫ dıkǫèhgè nı̨dè sahzǫ̀ą łǫǫ̀tǫènǫ-daats'ǫ̀-łǫǫ̀tǫ sìı ekìı-ka gehteè agole gà ı̨łè whìle sìı yegòhɂà gots'ǫ̀ yekanıwǫ ha hǫt'e.