Popularne wersety biblijne z Matta 6

Udostępnij

Pa ntiiri sǝ kǝr kuɓsutu usu ma mbu yǝsǝ yaɓ a wiiyo a Kaa ni ɓa, ɗǝm nsaad mbusǝsa ɓaa kǝ sǝ sokǝ ɗǝm.

Pa me maaso sǝ ntaayǝ ra, me sǝ sen ɗenda, me ɗene ndǝ u Kaa wa. Hana kaa naɓa yǝ ma rǝkata kwera ira ya.

“Me maaso nǝn nkeesǝ, sǝ ntaayǝ ma nɗanyo waaso ra, a mbu kǝsaa se ɓa ra, hana mbu sǝ kaa wee ɓa ra, hana a maabiri yaase mbu kǝsaa tung ɓa ra. Waso, huurtu yǝ faɗ mbuseya rau, ɗǝm maabiri yǝ faɗ luktaa rau?

Pa me sǝ kǝ tom kǝnara, sǝ kan ɗaan a hito, sǝ liki inntii, sǝ kǝna Paase u ɓaa wǝrsaa ra ya. Pa Paase yaa yǝn wǝrsǝ mbu ǝn tomsǝ a nhuukǝra ɓa ya, kiyǝ sǝ na nsaa.

“Pa me maaso, sǝ tom kǝnara nga u nwa, “ ‘Paate a liura ya, a too ɗǝnda nga, kuɓsutu nwaago yǝ wo, mbu ngǝn yausǝ ɓa aa tommo, a kaɗɗo put taandi wa nga ǝn tomsǝ a liura wa.

Ətǝ na waso mbuseya tuka ɓa.

Ɗǝm ngǝ tǝ lee tǝblǝra mara ta, nga tǝn leesǝ ɓaa ɓǝn tǝblǝ tǝsǝ ma ra ɓa.

Ɗǝm ngǝ tǝn ko a han pǝtara ɓa ra, pa ngǝ tǝ nkweetǝ a yaa kwalakwala ya.’

Pa me sǝ lee tentenato ɓeta tomsǝsǝ wan, Paase a liura ya kiyǝ sǝ lee tentenato waaso kǝn.

Sǝ sengge rǝmɓa a liura sa, ɓǝ rǝkaa ra, ɓǝ ɗaɗɗa ra, hana ɓǝ kwau a pindo ra, pa Paase a liura ya yǝn na ɓǝ mbuseya. Saase sǝ faɗ ɓǝn, sem maaso rau?

“Sǝ kwau eewaaso kǝnaa a put taandi wa ra, a ham lǝkǝmta ma mǝnko ka tǝblǝ ɓa, ɗǝm a ham nkwiinya ɓǝ ka ookǝ ɓǝ tang ɓa. Pa sǝ kwau nkweerase kǝnaa a liura, ham lǝkǝmta ma mǝnkǝra ɓaa tǝblǝ ra ɓa, ɗǝm a ham nkwiinya ɓǝ nkaa ɓǝ ookǝ ɓǝ kan ɓǝ tang ɓa ra. Me ham kǝnaa nwaago yǝ sǝ ɓa, kǝnso ɗǝm kuɗa nga yǝ sǝ wa.

“Yaake sem kǝn kiyaa nkaa yǝ tom tinima hooto ɓantaanda ɓa raɓ ra, hana yǝ ɓisi yaa fin nya, yǝ yau yaa fin nya, hana yǝ na mbarta yaa fin nya, yǝ nrenǝ yaa fin nya. Ngǝ nkaa ngǝ tom hooto Kaa ma koɓaa kou ra.

Me pa Kaa yǝn sengge kiiya a sanglo sa maaso, u yǝsaa sanglo naso nwa, ɗǝm ɗene a mudkǝ a ara wa, yǝ sǝ sengge a faɗ usu rau? Saase ɓet ma na ɓongto ngeek ɓa!

Pa me ngǝ na yaa yǝ semsǝra ya, ngǝ yau me ɓaata kalta ɓa ɓǝ maa mbu ngǝn tomsǝ ɓa ra, me na nwaago aa tom a nhuukǝra. Me Paange yǝn wǝrsǝ mbu ǝn tomsǝ a nhuukǝra ɓa ya, kiyǝ ngǝ na nsaa nwaago.

“Sǝ tom nlaa ‘tom tinimsa sa mbu yǝsǝ yaɓ a wiiyo a Kaa ni ɓa’ a tom u ɓeta kaa wǝr wa ra. Me sǝ tom maso, sǝ taa nsaa a Paase ni a liura ra.

“Me saa kwal mbraa wa sǝ tuk oota nga ɓaa ma ɗǝlmara raɓ ɓa ɓǝn tomsǝ wa ra, me ɓǝn tuk oota ɓǝ weɗɗa ɓeta me ɓǝn kwal mbraa. Nǝn nkeesǝ ɓongtǝra, ɓǝ wee kon nsaa ɓoson nsaad. Pa me ngaa kwal mbraa wa, ngǝ puk yaro a ɗuura nga ɗǝm ngǝ sob oota, me ɓeta ɓǝ maa me ngaa kwal mbraa wa ra, pa Paage seɗɗe yaa ɓa wǝrsa ra ya, ɗǝm Paase, yaa yǝn wǝrsǝ mbu ǝn tomsǝ a nhuukǝra ya, kiyǝ ngǝ na nsaa.