Popularne wersety biblijne z ရမ် 5

Udostępnij

ဇဝ်ဖြာ ယီ ဘျ ခဲ့ ရွက့် အန် ဒီ အေ။ ဒေါ ဆီ ဘူင် အေ မှာပ်၊ အန် တဲး ဇဝ် ယေဆူ ခမ် ဒီ ယမ် ကာဒါင် အေ။

ပီ နှဝ့် န့ဒဝ့် အေ တီ၊ န့ ဒိူန် တူ တဲး အေ ကာလုတ့် နဝ်း။ နဝ်း ဖွိုမ် ဇဝ်ဖြာ ပီ ဒွါ ဇဝ်ဖြာ ဒီ အေ၊ အန် ဟဲ့ တဲး အေ နပ် လွင် ဇဝ်ဖြာ ဟဲ့ ရွက့် ကာဆဝ် အေ။

ဒဲင် တီ၊ အေ မိူဝ် ခူယ် ဒါခိုယ် ကူပ် ဇမ် အေ ဒုက် ဘော ကာဒုး အာဖေ အာရေ။ ခုဝ်၊ အေ ဟဲ့ နပ်၊ ဒုက် တီ၊ န့ ဒီ မာနုဝ် အေ တဲး အေ ပဲ ဒီ အူတ်၊ ပဲ ဒီ ယိူန် နဝ်း အေ။ ဆေ အေ ခမ် ဒီ အူတ် ဒီ ယိူန် နဝ်း၊ န့ တဲး အေ ပွိုန် ဒီ ဘူင် အီ လဝ့် နဝ်း ဇဝ်ဖြာ။ ဆေ အေ ဘူင် အီ လဝ့် နဝ်း ဇဝ်ဖြာ၊ န့ တဲး အေ ဘော နှဝ့် န့ဒဝ့် ပီ ကာဆဲန့် ဇဝ်ဖြာ ဒီ ဘူင်။

ဇဝ်ဖြာ ဟဲ့ ဒွါ နဝ်း ဆိူဝ် နဝ်း မှာန် ဒီ အေ ကူပ် ညှိုမ် အေ ဇဝ် ယေဆူ။ ခုဝ်၊ အေ ဝီ ပွိုန် ဒီ လာယ် ကာလဝ့် ဒီ ဇဝ်ဖြာ။ ကူပ် ညှိုမ် အေ ဇဝ် ယေဆူ၊ အေ မိူဝ် ပွိုန် ဒီ ဘိုင် ဆေဆေ ပီ ဂေဇူ ဇဝ်ဖြာ ပဲ့ ဟဲ့ ဒွါ အန် ဒီ အေ ဒေါ တီ နီ။ အေ မိူဝ် ခူယ် ဒါခိုယ် ဒီ နှဝ့် ဇဝ်ဖြာ ဒီ ဒွါ ဘော အာဖုင် ဒင်ခုဝ် အန် ဒီ အေ။

ခုဝ်၊ ဒေါ ဆီ ဒီလှး န့စမ် အေ၊ ဇဝ် ယေဆူ မိူဝ် ဟဲ့ ခမ် ဒီ ယမ် ကာဒါင် မှာပ် အေ ဒူအီ မိူက်။ အန် ဟဲ့ ခမ် ဒီ ယမ် ဒေါ ဇမ် အာခြာဝ် ပီ ဘ့လေး အုန် ဇဝ်ဖြာ ဒီ အာတ့်။

ကူပ် ဟဲ့ ခမ် ဇဝ် ယေဆူ ဒီ ယမ် ကာဒါင် အေ၊ န့ တဲး အေ ဝီ ဘဲန် ဒူအီ အီ မိုဝ်း နဝ်း ဆိူဝ် နဝ်း မှာန်။ ဒဲင် တီ၊ အန် ဒီ ချွတ် အေ တဲး အေ လွတ် ဘော နဝ်း ရူ ဇဝ်ဖြာ။

န့ ဘော ပါယ် တီ။ ကူပ် တူ ထူမ် ဒူအီ အူ ဝီ ဂြုဝ်း ဇဝ်ဖြာ၊ န့ တဲး ဒူအီ ဘောကာဂ့လျီတ် ကာလိုပ်။ ကူပ် ဟဲ့ ဝီ ထူမ် ဒူအီ အူ ဝီ ဂြုဝ်း ဇဝ်ဖြာ၊ န့ ပီ ဝီ တဲး ဒူအီ ဘောကာဂ့လျီတ် ပွိုန် နဝ်း ဆိူဝ် နဝ်း မှာန်။

အာဝ် ဝန် မီ ခဲ့ တီ။ ဒေါ တီ နီ အေ ဟဲ့ ဝီ ဘျုဝ် ဒါခိုယ် ဒီ ကွယ် ရိုမ် ဒူပ် ဇဝ်ဖြာ ကူပ် ဇဝ် ယေဆူ အီ ဟဲ့ ဘဲန် ဒါ ကာညာ အီ အိုပ် အေ၊ အန် မိူဝ် ဟဲ့ ဘူင် တဲး အေ ဝီ လာယ် ကာလဝ့် ဒီ ဇဝ်ဖြာ။