Popularne wersety biblijne z ရမ် 4

Udostępnij

အန် ပီ ဘော ဟဲ့ နပ် လွင် အန် တီ၊ အန် ယီ ညှိုမ် ဆေဆေ။ အန် တူ မိုဝ်း နဝ်း အီ ထာင်၊ ကာဒိက် ဆတ်ဇာ ဇဝ်ဖြာ န့ တူ မှာန်။ ခဲင် နဝ်း အန်၊ အန် ဘော ဝဲ ညှိုမ် ဆီချာ ဘော အိူပ် ဇဝ်ဖြာ။ အန် ညှိုမ် အာခါခ်ု၊ ဇဝ်ဖြာ နပ် ဒီ ဘူင် ဒူပ် ပီ ကာဆဲန့် အန်။

ဇဝ်ဖြာ ဟဲ့ ဒဲမ် အုန် ခဲင် ဘပ် အန် တဝ်း၊ “အုဝ် ဟဲ့ တဲး မဲ ဘဲန် ဂုန့် ဒင် အာမျုဝ် ဒူအီ ကိူန်။” ပါယ် တီ၊ ဇဝ်ဖြာ ဟဲ့ တဲး ဒါ အာဘြာဟမ် ဘဲန် ဂုန့် ဒင် အေ ကူပ် ညှိုမ် ဘိုင် အန် ဒီ ဇဝ်ဖြာ အီ နပ် ဒီ တဲး ဒူအီ ယမ် ဝီ ယိတ့် ဝီ အိမ်။ အန် ဇဝ် ဘော နပ် ဒီ ကာလာင် လွင် အီ ညှမ် မိုဝ်း၊ တဲး န့ ပီ ဟဲ့ ဟွတ့် မိုဝ်း။

ဇဝ် ယေဆူ တီ၊ အန် ဟဲ့ ခမ် ဒီ ယမ် ကာဒါင် မှာပ် အေ။ အန် ဟဲ့ ဝီ ယိတ့် ဝီ အိမ်၊ တဲး အန် ဘူင် တဲး ဘော အေ မိုဝ်း နဝ်း ဆိူဝ် နဝ်း မှာန်။

အန် ဘော ညှိုမ် ဂြုဝ်း ဇဝ်ဖြာ ဒေါ တူ မိုဝ်း အန် ဒူင် နဝ်း တာင် ဒီ မာဆေ။ ခုဝ်၊ ဇဝ်ဖြာ ဘော တဲး အန် ဘဲန် ဂုန့် ဒင် ဂေ အာမျုဝ် ဒူအီ ကိူန်၊ တဲး န့ ပီ ပီ ဒွိုမ် ကာလာင် ဇဝ်ဖြာ ဒေါ တဝ်း အန်၊ “လှုက်လှာန် မဲ၊ ဂေ ဒီ ကိူန် ကာဆဝ်။”

ခုဝ်၊ ကာဒိက် ဆတ်ဇာ တီ၊ ဇဝ်ဖြာ ဟဲ့ ဒွါ ကူပ် ညှိုမ် အေ။ န့ ဘော မုး ပီ ဂေဇူ အန် ဇဝ် ဒီ အေ၊ တဲး အေ နပ် ဆီချာ၊ ဂေ လှုက်လှာန် ခြိုဝ် ဒါ အာဘြာဟမ် ဘောကာဂ့လျီတ် ဒီ ပွိုန် ပီ ဂေဇူ ဇဝ်ဖြာ တီ။ အေ မိူဝ် တူ လုဝ် တူတ့် မာဆေ။ ဇဝ်ဖြာ တူ ဒွါ ကာဒိက် ဆတ်ဇာ တီ မီ ဒီ ဂေ အီ ဘူင် ဒူပ် ဒါရာ။ အန် ဒွါ ဘော ဒီ ဂေ အီ ညှိုမ် ဇဝ်ဖြာ ပီ ဒါ အာဘြာဟမ် အီ ဟဲ့ ညှိုမ် တွိုန်။ အန် ဟဲ့ ဘဲန် ဂုန့် ဒင် အေ ဒွန် အီ အီ ညှိုမ် ပါယ် တီ။

“ဆေ ဇဝ်ဖြာ ဟဲ့ ဂဝ်း ဝဲန် မှာပ် ဒူအီ အူ ဝီ၊ အန် ဒီ မိုဝ်း နဝ်း ဒါခိုယ် ကူပ် ဟဲ့ ဟွတ့် ဟြာယ် မှာပ် အန် တီ။ ဆေ ဇဝ်ဖြာ တဝ်း လွင် ဒူအီ အူ ဝီ၊ အန် တူ မိုဝ်း မှာပ်၊ အန် ဒီ ဘျုဝ် ဒါခိုယ်။”

ခဲင် ဘပ် ဇဝ်ဖြာ န့ ဟဲ့ ဒဲမ် အုန် တဝ်း၊ “ဒါ အာဘြာဟမ် ညှိုမ် ဘိုင် ဇဝ်ဖြာ။ ကူပ် ညှိုမ် အန် ပါယ် တီ၊ ဇဝ်ဖြာ မိူဝ် တဝ်း၊ အန် ဟဲ့ မိုဝ်း နဝ်း လုယ်။”