Popularne wersety biblijne z Waroma 12

Udostępnij

Simwairime gha urumengu ughu, ela mghalulo ni Mlungu komweni kwa ngila yeghalula maghelelo ghenyu. Nao ima mdime kumanya mashayo gha Mlungu, na ilyo lyio lyaloli lyemuboela na lyiketi.

Kwa hung'u wana wakwetu, kwa kukala Mbazi ya Mlungu ni mbwaa kwetu, namlomba: Mkufunye inyo wenyi kwa Mlungu sa sadaka, iwo moyo ielile na imuboelagha Mlungu. Ughu nigho utasi ghumfweni kumtasa Mlungu.

Mkoseree kwa maboelo, mrumaghie kwa matiriro na kulomba ngelo zose.

Simwasimo ni ulaghelaghe, ela ghusimeni ulaghelaghe kwa kudea ghaloli.

Mshayane hachi yenyi sa wana wakwetu kele Kristo na kila mumoju amhawe mumbawe ishima.

Mashayo ni suti ghakale ghaketi putu putu. Mumenye ghalye ghawase na mwatane na ghaloli.

Mdee selyi mdimagha kukala na sere na wandu wose.

Simwalwanile wagheni wangu, ela msighe hare ya Mlungu idee kazi. Kwani Mawandiko gha Kuela gheghoragha, “Imi nijelwanila, imi nijelipa, aghora Bwana.”

Mkale na chadi kazini na simwakale waghadi. Mumtumikile Bwana kwa ngolo yekukufunya.

Na kwa undu ghwa mbazi nihawilo ni Mlungu, ndemuza inyose: simwakuririkanyile inyo wenyi kukala wabwaa kuchumba selyi imfweni. Ela maririkanyo ghenyu ghakale ghafweni, na kila mumoju apime mwenyi idumusi ilyi ahawilo ni Mlungu.

Ngera mundungi amdeile laghelaghe, simwalwanile. Timeni kudea agha wandu wose weonagha ni ghaloli.

Wadeileni wandu wose karakara. Hata simwakukase, ela mukufwananise na wandu wa isi. Simwakuone inyo wenyi kukala walachu kuchumba.

Ela kibalo chake, Mawandiko gha Kuela ghaghora, “Ngera mumaiza wako ewo na njala, mlyise, ngera ewo na kau mhawe chenwa; kwani kwa ngila iyi ujemufwisha waya sa kumtukisa makala gha moto kele chongo chake.”

Mulombe Mlungu awabarikie awa wemutiriragha mumlombe awabarikie, simwawawanyize. Boeloni na awa weo na kuboelo na mulile na awa welilagha.

Wahaweni wandu wa Mlungu ivi washaile na nyumba kwenyu muwakaribishe wagheni.

Kwani mili yetu iwo na viungo vingi na kila kimoju chio na kazi yake. Ni hung'u kwenyi nesi hata ngera sani nisi wengi, nisi muli ghumojori ghuwataniso na Kristo na itose tanawataniso sa viungo kele muli ghumojori.