Popularne wersety biblijne z Waroma 11

Udostępnij

Kwani vindu vose wanaviumbile, na vindu vose niye avidea vikale na vio kwa undu ghwake. Ubwaa ghukale kwake kwa kale na kale. Ameni.

Ni mubwaa sani uzuri na suku na kumanya kwa Mlungu! Nani edimagha kutaghanya kwake? Nani edimagha kumanya ngila zake?

Mawandiko gha Kuela ghaghora, “Nani aweni maghelelo gha Bwana? Nani edimagha kumfunda?

Niko kwenyi iwo hata ngelo ya indakwenyi: kuwo na wandu wachache walye wasaghulo ni Mlungu, kwa undu ghwa mbazi yake. Kusaghula kwake kondefumanya na mbazi yake, si kwa ghalye wadeile. Kwani ngera kusaghula kwa Mlungu kofumile na selyi wandu wadeagha, aho mbazi yake mango si mbazi ingi ya fulo.

Mbashe zimoju za mzeituni ghwa mbweni zapaso na mbashe ya mzeituni ghwa isakeni yawataniso nagho. Inyo wandu wa mbari nzima ninyo karakara na mzeituni ghwa isakeni, na ndamu mwapata ndighi na kitomvu cha umana ghwa mzeituni ghwa mbweni. Kwa hung'u simwawamenye walye wapasilo sa mbashe. Mwadima ije kukukasa? Inyo ninyo mbashe tu, sinyo wengi mumangisagha miriginga, miriginga niyo imumangisagha.