Popularne wersety biblijne z Fagsigadan 28

Udostępnij

“At sadi ya ngaro ku fagalongun emu, glong aw emu te, dakdi ban gubun emu faggugat. Nganday ban nu lumo o, gdingding aktuwa emu faggugat. Ay bandi ban nu glugo wan, gfafoli kyay ban emu stiye fag talun. Ku longan emu katanya matuyan wa fiya. Fagayu ku nalong, gfagurungan kwa fiya.” Katanya Diyus at longan sas Akub.

Ay nalag yangay te, Yawi mangaro malindug sanyas tungud fungfung talangtang. Ay Akub kaduge gugat gimata sanyas fun talangtang, Yawi naelongan. Glong te, “Aw wan Yawi. Aw wan am fufuwama Abrayam ay am mama Isaak at fagsegan. Katsi glong aw emu te, sanya sim fagtiyugan fag lungud talun, igfon kwa ban sam ngay fufu sat dagat daga.

Ay rodi Akub infulo wan, siginan at fagtiyugan. Ay gamatangan te, “E, Yawi mangaro ste wan. Aro ginan kwa gsaful.”

Ay Akub bagu lumo sanya ginan, nafatuyanan yay. Glong te, “Yawi nu gufud tuwa ban angku, ay nu gfatvngvdun tuwa angku sa ku ngaba dalan, ay nu gfon tuwa ban angku ku fakonun ay ku balukas, ay nu gfauli tuwa angku manabayan sa ku magurang at bale, kanya wa long ban ku Diyus, ku fagsegan. Ay anggan ban tibak taw ste yangay fag ke batu nu nanfauseganan Diyus. Ay fagayu ban Diyus at nafon angku, kayu ginan insafulu, gfon aktuwa anya at sadi.”

Ay kanya ban am ngay fufu sat dagat daga, ngayu way ngap fag taw. Kayu wa bans dafug daga at kayuwan. Ay am fufu ban at fagbanwanan fag ngay talun kaayu wan, sam dayu am dayu. Ay glong aw emu te, am ngay fufu igfadasug ban ku fanarabangun sas fagayu fulan taw nus nganday fag talun.

Nu katanya Akub fagbulun, Akub nafangayan sanya fag lungud talun te, Betel. Ebi ataw, e sik fulan sanya fag talun, ay at ngayan, Lus. Ay dewa katanya, Akub nu gfangayan kanya fag lungud talun, Betel wan.