Popularne wersety biblijne z Ivangeli ka‐Mateyu 6

Udostępnij

Kodwa funani kuqala ubukumkani BUKATIXO, nobulungisa bake, zaziya kuti zonke ezizinto zongezelelwe kuni.

Ngako ningatukutezeleli imini yangomso; ngokuba imini yangomso iya kutukutezelela okwayo. Kwanele imini yanamhla eyayo inkatazo.

Ngako oku nditi kuni: Musani kutukutezelela ubomi benu, ukuba notya nto nina, nokuba nosela nto nina; ningatukutezeleli nomzimba wenu, ukuba niya kwambata nto nina: ubomi abukulu na kuko ukutya? nomzimba awumkulu na kuzo izivato?

Kodwa wena, nxa utandazayo, ngena enkambilini yako, uti wakuba uvalile ucango lwako, utandaze KUYIHLO osemfihlekweni; NOYIHLO obonayo emfihlekweni, uya kukuvuza ekuhleni.

Ngako tandazani nina ngokunje, niti: Bawo wetu osezulwini! Malipatwe ngobungcwele igama lako. Ubukumkani bako mabufike. Intando yako mayenziwe emhlabeni, njengokuba isenziwa ezulwini.

Sipe namhla nje ukutya kwetu kwemihla ngemihla.

Usixolele izono zetu, njengokuba nati sixolela abo basonayo tina.

Ungasingenisi ekulingweni, zusisindise enkohlakalweni. Ngokuba bubobako ubukumkani, namandla, nobungcwalisa, kude kube ngunapakade. Amene.

Ngokuba xeshekweni nibaxolela abantu iziposo zabo, UYIHLO wasezulwini wonixolela nani

Kangelani intaka zezulu, okokuba azihlwayeli, azivuni, azibuteli eziseleni, kanti UYIHLO wasezulwini uyazondla noko: kekaloku nina anigqitisele zona kakulu na?

Ningazibekeli indyebo emhlabeni, apo kugugisayo inundu nomhlwa, nalapo amasela agqoboza ebe̔ kona: kodwa zibekeleni indyebo ezulwini, apo kungagugisi nenundu nomhlwa, nalapo amasela angagqobozi angebi̔ kona: ngokuba apo ikona indyebo yenu, yoba kwa kona nentliziyo yenu.

Akuko mntu ongakonzayo inkosi ezimbini: ngokuba eya kutiya enye, atande enye; okanye, uya kubambelela kwenye, adele enye. Aningekonze UTIXO nobutyebi kunye.

Ukuba ke inca yasendle, eti namhla ibeko, iti ngomso iposwe eziko, UTIXO uyenje njalo ukuyambatisa, akayi kunambatisa nina kakulu ngakumbi na, nina balukolo luncinane?

Kodwa wena wakuwenza amalizo, masingazi isandla sako sokohlo into eyenziwayo sesokunene sako: ukuze amalizo ako abe semfihlekweni; NOYIHLO obonayo emfihlekweni, kwa yena wokuvuza ekuhleni.

LUMKANI ukuba ningenzi amalizo enu ebusweni babantu, ngokunga ningabonelwa ngabo; okanye, aninawo umvuzo KUYIHLO osezulwini.

Kanjako nxa nizilayo ukutya, ningabi njengabahanahanisi nisiti kunubembe; ngokuba bebenza bubi ubuso babo, ukuze babonakale ebantwini bezila. Ngokwenene nditi kuni: Sebewamkele umvuzo wabo. Wena kodwa, wakuzila ukutya, tambisa intloko yako, nobuso bako buhlambe; ukuze ungabonakali ebantwini uzila, kodwa ubonakale KUYIHLO osemfihlekweni; NOYIHLO obonayo emfihlekweni, uya kukuvuza ekuhleni.