Popularne wersety biblijne z ดอ โฆว 15

Udostępnij

เฌาพรา แฮะ ฮอต กาลาง, อาบราม มืร หณึม เฌาพรา. โกบ หณึม อัน ปาย ตี เฌาพรา มืร ต็อห อัน แฮะ มึห น็อห ลูย.

แฮะ ฮอต ปัน ตี อาบราม ตึอน ยึร เฌาพรา กาลาง โฆรห ดี อัน. อัน เฌา ต็อห, “อึย อาบราม, โอว มูห อี บัร แม ปี มัง ฆ็อง. โอว ดี บอ ดัว รูห กืน ดี แม.”

เฌาพรา แฮะ ฮอต กาลาง ปาย ตี อัน วี แดะ อาบราม, แตห อัน เลห ดี ฆลัะ. อัน บอ ต็อห, “แตห แม ยอด แคง เบลณ บอ เทว ดี ตีห ซีมัณ, โยว แม แป ดี ตีห. หลูกหลาน แม, เฆ ดี กืน แคะ ตี.”

ปัน ตี เฌาพรา วี กาลาง โฆรห ดี อาบราม ตึอน. อัน ต็อห, “แดเจณ แม ตึอน, อัน ตู ปลูะ แม. อึณ ดี มึห ฆอน อีมาย แม, อัน ดี ปึอน โตต โกรว แม.”

ดอ อัน ตี เฌาพรา ต็อห ดี อัน, “โอว แตห แม นับ ปี ดี โบง โอว. หลูกหลาน แม, เฆ ดี กอย แคง มืง อี เฮา, มืง อี ตู มูห มืง เบ. เฆ ดี แบน หมาย แคง มืง ตี. อาดา พวน มาย็อห ซีนัม เฆ ดี โลว คัม ดูก ตาง ดี อี เฮา.

อาบราม วี ต็อห, “อึย แม เฌา อี อึบ โอว, ปี ดัว แม ดี โอว, อึณ ตู มึห อาฆยึร กืน. เซ โอว ตู มึห ฆอน, อึณ ดี มูห แดเจณ โอว อี จืร อาเอลีเอฌา อี ตัห มืง ดามาคู, อัน ดี ปลูะ โอว.

ซีแง อัน ตี เฌาพรา ดัว กาดีก ซัดฌา ดี อาบราม ตึอน. อัน บอ ต็อห, “โอว แฮะ ดัว มาน มืง นี, แตห อึณ แบน มาน มืง หลูกหลาน แม. อึณ จูห ดี แบลง อึม กาตัด มืง แอฆึบ กอ ฌัม แบลง อึม ตาง อูพาราด.

เฆ ฮี ฮอต กอย แคง มืง อี เฮา อาดา พวน โจว, เฆ ดี วี ตัห ฌัม แคง มืง แม นี. โคว, หมาบ ปี โบง เฆ ดูอี อาโมวรีด, อี กอย แคง มืง แม นี, อึณ หณัม กืน, หณัม ปึอน ดัม หมาบ ดี เฆ, แตห เฆ ชึม.”