Popularne wersety biblijne z Yoohani 2

Udostępnij

ɄYeesu ahabhombile ɨshimanyishizyo ɨshi mwi‑ibooma ɨlyɨ Kaana hu mukowa ʉgwɨ Galilaaya. Ɨshimanyishizyo ɨsho shahali sha hwande alolesye ʉmwamu waakwe hwa bhantu. Hu nongwa ɨyo, abhasundwe bhaakwe bhahamʼmwɨtɨha.

ɄYeesu ahamʼmwamula ʉnyina ahaga, “Wee maayɨ, yeenu ʉyanga ɨsho? Ahabhaazyo aha‑abhombe ɨmbombo yaanɨ hasɨɨle afishe.”

Ɨpo ʉYeesu ahabhabhʉʉzya abhabhomvi bhaala ahaga, “Memyi amɨnzɨ mu nsaayo ɨzyo.” Bhope bhahamemya amɨnzɨ mu nsaayo ɨzyo afishe pa mwanya. Ɨpo ʉYeesu ahabhabhʉʉzya ahaga, “Ɨshi tapi amɨnzɨ mashe mu nsaayo ɨzyo, mubhale, mumʼpeele ʉnʼnongozi wɨ shikulukulu ɨshɨ weeji.” Bhope bhahatapa amɨnzɨ na humʼpeele ʉnʼnongozi ʉla.

ɄYeesu ahabhabhʉʉzya ahaga, “Bhuguli ɨnyumba ɨnɨ, anɨ ɨnza huyizenje nantele hu nsiku zitaatu.”

ɄYeesu lwa wagalola ɨgo, ahatabha ʉlukusa abhe nsanzʉ, ahabhadaga bhonti ɨbho bhahali bhakazya mu lubhaga lwɨ nyumba ɨmfinjile ɨya Ngʉlʉbhɨ, peeka nɨ ngʼombe nɨ ngoole. Nantele ahazipetulanya ɨmeeza zya bhaala bha bhahavunzaga ɨmpɨɨya na‑anyampaanye ɨmpɨɨya zyabho. Ɨpo ahabhalajizya ɨbho bha bhahali bhakazya ɨnkʉnda ahaga, “Zyefwi ɨnkʉnda ɨzi ɨpa. Mugandi huyibhɨɨshe ɨnyumba ya Daada waanɨ abhe nyumba ya‑achuluuzizye.”