Popularne wersety biblijne z Markus Uram 11

Udostępnij

A deyok aryi, sunci Er Imtamnyi bisi Ersi molorandum ba, sunci sun kanya dam aryi, ‘Ni molobman dinyi asi Er Imtamnyi biryi dib kunubdeibkwanir,’ iya tenerandarur. Ato kuramunyi ura, sun molobmunyi dinyi asi Er Imtamnyi biryi diboka kunubkwansir,” eboka eterebmou.

Ato ebmou cok, Erci sunsi ato eboka eterebmou. “Niryi sunsi diboka ebkwinsin uram asi kekebdarur. Unanyi-unaner aryi er kanya dam aryi, ‘Ni molobnyi to Er Imtamnyi biryi dib ati kunubdeibkwanir,’ tenebci ura, Anyi-a ner aryi ebmaci dinyi ara Er Imtamnyi biryi kunubdeibkwande. Ba, unanyi-unaner aryi a mutuk kon asi, ‘Kan yuk tobkaboka ilila me kwan um asi wengbirum,’ ebci ura, erci er kanya aryi kankana kum kubmaci deyok aryi, Anyi-a ner ebmaci tok ilil tenen dinyi asi Er Imtamnyi biryi kunubkwande.

Ebmou cok, Er Yesus biryi Er miliramnyi nang asi ton ato eterebmou. “Sunda Er Imtamnyi bisi Ersi molorandum ba, yuknyi yuk ner aryi malyi kubdeibsici ba, sun kanya a deyok ati, mambul kubsici ba, sunci, ‘A dinyi teneina ati takwan,’ teneboka Anyi-a ner ab yuma antanibdandarur. Sirya antanibmunyi ura, Er Imtamnyi bisi ur molobdarur. Ara, Er Imtamnyi biryi sun malyi kun dinyi kiliboka sun ab tonkwa antanibkwansir ati, sunbabyi neiktoto sun yuk nang ab antanibdarur.

Ba, Er Yesus biryi Er miliramnyi nang asi ato ebmou, “A co kwarang ara Er Imtamnyi mikib aryi koula danmar. Ati, sunci Er Imtamnyi bisi tuba-tuba dib tenebdarur,” ebmou.

Ebmou ura, Erci sun a kubmai nang asi ato eboka eterebmou, “Er Imtamnyi Uram minob bikoka ermururamunyi si Yesaya biryi kerek sekamwe to sunci diboka kekebdarur. Er Imtamnyi biryi ato ebmar, ‘Ni ai ara sun im dangna tukwe dangna nang nirya aryi Nisi molobkwaning ai kubkwanir.’ (Yesaya 56:7) Er Imtamnyi biryi ato ebmou bok, sunci manmaliboka Er ai asi dengna weik molobtabangna nang ai kibdeibmarum.”

Ato kubde banmai ura, ninyi nirya ara sun menekoka banmai nang ab sun aminda yanganmai nang ab antaniboka uram weik doboka ato ebmai, “Hosana! Er Imtamnyi bira nun arungdeirisururnyi biryi bokdonokmounyi bira nun dam yanganmar ati, nunci Er si weik eboka kibdobkwayeb.

Anyi bira nun abwe Daud bitonyi weik sienyi kururci, ninyi ilinto lebsiriryi, kalikwansir ati, Er si weik eboka kibdobdarur. Hosana! Ninyi nirya aryi Er Imtamnyi si weik ebkwayeb.” (Mazmur 118:25-26)