Popularne wersety biblijne z Markus Uram 10

Udostępnij

Ati, Niryi ukuran to sunbabyi ukubdarur. Ara, Ni Ninyi Dasinyi kununci, Niryi, ‘Sun ninyi nirya aryi Nisi dibnilibniting,’ tenena kum kunun. Eda, Niryi, ‘Dibnilibkwan,’ tenen imtam aryi kuboka yuryanmase. Ara, Niryi, ‘Ninyi ilinto iya kam kubkwaming ati, Niryi leboka sunti dibkwan,’ tenen yuryanmase.” Ato eboka Er Yesus biryi Er miliramnyi nang asi eterebmou.

Ebdanmai ba, Er Yesus biryi sunsi dinmouci, ato ebmou, “Sun tukwetam nang aryi ukubman kum tenebmarum bok, Er Imtamnyi bira Iya Mikibnyi ukubman kum dinyi ton kum kurur,” ebmou.

Bartimeus biryi ato ebmou ba, Er Yesus biryi ersi ato ebmou, “Ni kwit, kanci Nisi dib tenebmanirim ati, Niryi kan asing sirya kwetebmakin. Ati, kan ai ur birum.” Ebmou ba, Bartimeus lukdandoka asing eibkatabmou. Ura, Er Yesus biryi er asing teleb kubdeibmou ati, er Bartimeus biryi Er Yesus bisi milibmou.

Ati, Er Imtamnyi biryi, ‘Tonkwa kubdurung,’ ebmou ati, sun ninyi aryi, ‘ “Iya tanglordana teleb,” ena mem.’” Ato eboka Er Yesus biryi sun Farisi nang asi uram ebkarebmou.

Ebmou ba, Er Yesus biryi ersi dinmou uca, ersi boukwe weik kubmou. Boukwe weik kubmou cok, Erci anyi bisi, “Kanda Er Imtamnyi biryi ebdeibsou uram diblilibde kunurum bok, deyok tentok asi kum kunurum. Ati, kanci kan talerandim bona nirya ara yuk nang asi dekokabminci, co bok dobminyi ura, a co bok nirya bokoka sun utotoa nirya bona bon kum nang asi ur dem karebdum. Ur karebminyi ura, Er Imtamnyi biryi unuboka iya teleb dinyi karebkwankir ba, kanda Er ab tonkwa iya kubkwandurum. Ati, yandoka Nisi milibnurum,” ebmou.

Binmou ura, Er Yesus biryi ersi ato ebmou, “Niryi kansi una kubkwankin do? Kanci Nisi, ‘Ato-ato kubnurum,’ eboka ur molobnurum.” Ebmou ura, er asing kuamunyi biryi, “Nai, ni asing teleb kubdeibnimin ba, ni asing eibkatabkwan ati, molobmakin,” ebmou.

Ati, sunda a nang aryi ukuraming to asi dilina mem. Eda, unanyi-unanyi aryi, ‘Nira Erebdobnyi kibtinyi,’ tenebci ura, anyi bira luknubdandoka sun yuk nang asi dirnilinanyi kubdur.

Ati, Niryi sunsi diboka ebkwinsin uram asi kekendarur. Unanyi-unaner aryi luknubdob kanya kum boboka, ‘Er Imtamnyi Iya Erebdobnyi amwetamnyi kibdobtinyi,’ kum tenebci ura, Er Imtamnyi Iya Erebdobnyi amwetamnyi iya kum kibdobte,” ebmou.

A tum berekci ura, Er Imtamnyi biryi erebdob kanya bon nang ilinto asi dongtam deiboka luknubdeibkwande. Ba, luknubdob nang ilinto asi Erci yuma nunung dein nang kibdeiboka erebdeibkwande.” Ato eboka Er Yesus biryi Er miliramnyi nang asi eterebmou.

Sunda sun doamunyi ner asi talyi tanglorandum bok, Er Imtamnyi biryi minob tum aryi, ‘Ninyi kiknibkwan,’ tenebmouci, Erci teneiboka sal ab ner ab tonkwa kiknibsou. Ara, ‘Sun akenyi yabwe ab sun doramingnyi nerabwe ab tonkwa kubkwaming,’ tenen Erci, ‘Sal ab ner ab tonkwa kiknibsou.’ (Kejadian 1:27; 5:2) Ato eboka Er Imtamnyi Uram ermururamunyi biryi kerek sekmasou. Kerek sekmou cok, erci ato eboka eteresurur. ‘Sal ab ner ab tonkwa kiknibsou deyok ati, sal ara sun nai ab sun kwin ab asi takloboka sun ner asi doboka er ab tonkwa kubkwanung. Ara, sun nang bitinyi ara tub tentok ato kiboka bokdanman kum kubkwanung.’ (Kejadian 2:24) Ati, sun nang bitinyi yuk-yuk tuba kum kuranding, erda nong tentok ato kuranding.