Popularne wersety biblijne z Jeremias 23

Udostępnij

O Del phenel: ¿Sai gurudol vareko pe iek than kai me ni ka dikhav le? ¿Ni pherav me o miloso ta e phuv?

Del phenel gia: Aven llivesa kai ka cherav te bariol iek chaurro katar o porodo e Davideko ka avel chacho ta ka gazdaril sargo charo vou ka avel bizai, ka chinel kris ta ka cherel so si orta pe phuv. Ande leke llivesa ka avel braduime o Juda ta o Israel ka zivil bidarako, ta gava ka avel o anav kai ka ikharen le: O Del amaro chachipe.

O Del phenel: ¡Tesko e chobanonenge kai zatrin ta rispin e bakren katar mi stoka!

Ta isto me ka chidav si ka achel katar me bakre katar sa e phuvia kai chudiem len, ta ka cherav te irinpe kai pe chera, ta ka barion ta ka cherdon mai but. Ta ka thovav lenge chobanura te arakhen len, ta ni ka daran ios, ni ka avel lenge dar ta ni ka aven dukhade ios, gia phenel le o Del.

Gia phenda o Del kai si le sa e zor: Te na asunen e alava katar e poraukura kana phenen tumenge e poroka, cheren te aduricharen ezgode kai ni mol len niso, den orba katar e sune kai likiste katar lengo lio, ta ni phenen so likel katar e Devleko mui.