Popularne wersety biblijne z Jeremias 22

Udostępnij

Gia phenda o Del: Cheren kris ta o cha chipe, ta braduin e llene kai si dukhado, katar gua kai dukhavel le, ta na kojaven ta na choren gole kai si katar aver phuv, ni e minonen bi dadenge ta ni e phivlien, ta na mundaren gole kai inai dosalo pe gava than.

¿Ka charoi soke truial tutar si o sedro? Cho dad, ¿Ni jala ta piela ta cherda o chachipe ta ondaka llela leke sukar? Vou cherda kris e llenenge kai trubul len, e llenenge kai si proste, ta ondaka llela leke sukar. ¿Ni pinllarela man? Phenel o Del.

¡Tesko goleke kai cherel po cher kojaimaia, ta cherel pe sobe bangimaia, ta thovel e llenen te radin leke llabe ta ni pochinel lenge so mol lengo rado!