Popularne wersety biblijne z Datguddiad 22

Udostępnij

Fi ydy’r Alffa a’r Omega, y Cyntaf a’r Olaf, y Dechrau a’r Diwedd.

“Edrychwch! Dw i’n dod yn fuan! Bydd gen i wobr i’w rhoi i bawb, yn dibynnu ar beth maen nhw wedi’i wneud.

Mae’r Ysbryd a’r briodferch yn dweud, “Tyrd!” Gadewch i bawb sy’n clywed ateb, “Tyrd!” Gadewch i’r rhai sydd â syched arnyn nhw ddod. Pwy bynnag sydd eisiau, gadewch iddyn nhw dderbyn dŵr y bywyd yn rhodd.

“Mae’r rhai sy’n glanhau eu mentyll wedi’u bendithio’n fawr, ac yn cael mynd at goeden y bywyd, ac yn cael mynediad drwy’r giatiau i mewn i’r ddinas.

“Edrychwch! Dw i’n dod yn fuan! Mae’r rhai sy’n gwneud beth mae proffwydoliaeth y llyfr hwn yn ei ddweud wedi’u bendithio’n fawr.”

Fydd dim y fath beth â nos, felly fydd ganddyn nhw ddim angen golau lamp, na hyd yn oed golau’r haul. Bydd yr Arglwydd Dduw yn rhoi golau iddyn nhw. Byddan nhw’n teyrnasu am byth bythoedd.

Mae’r un sy’n rhoi’r dystiolaeth am y pethau hyn yn dweud, “Ydw, dw i’n dod yn fuan.” Amen! Tyrd, Arglwydd Iesu! Dw i’n gweddïo y bydd pobl Dduw i gyd yn profi haelioni rhyfeddol yr Arglwydd Iesu! Amen.

Dw i’n rhybuddio pawb sy’n clywed geiriau proffwydol y llyfr hwn: Os bydd unrhyw un yn ychwanegu rhywbeth atyn nhw, bydd Duw yn dod â’r plâu sy’n cael eu disgrifio yn y llyfr hwn arnyn nhw. Ac os bydd unrhyw un yn dileu rhan o neges broffwydol y llyfr hwn, bydd Duw yn cymryd oddi arnyn nhw eu siâr o goeden y bywyd a’u lle yn y ddinas sanctaidd sy’n cael ei disgrifio yn y llyfr hwn.