Popularne wersety biblijne z Ròmànì 5

Udostępnij

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀. Li àjùlɛ̀ lɔ ndi lì jò ŋgba ɛ̀ɛ̀mɛ̀ ema Lohwɛ̀ a arza. Nà òma Lohwɛ̀ a jò emeyà ò wòrzò wò eni eŋge e jò janelì lìhvìtà ema Lohwɛ̀ a jò gbèeyà mamɛ ema à mà kàkɛ̀nɛ̀ nanù ema a jò gbèeyà.

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀. Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Ò è hvònda ema i rzi hwɛnɛ ŋginyà ò lì àwòŋgòwànɛ̀ irzɔ hwiti, Krirztò à mà jò ŋwèeyà irzɔ hwatò hwa wòhwe ò e hvònda ema Lohwɛ̀ à mà tɛ̀yirzɛ.

Je imanɛlɛhwɛyi na Lohwɛ̀ èhwanja màyija ema Yerzù a jò kòmelì. È hwèlì tɛ nanù ema màyija ema Yerzù a jò kòmelì mɔ̀ ndi ma jò gbèyi nanù ema Lohwɛ̀ a jò emeyà ò wòrzò wò eni. Rzeke ene e jò uŋmɛ̀lɛ̀ nanù ema Krirztò a ò jò òŋgirzɛ ò hwètàtò hwe ama Lohwɛ̀ e?

Nà òma Adàmu a rzi hweyàna Lohwɛ̀, e ma gbeyà tɔ̀ ima mòtò ò lì hwɛ mòtò wa wòhwe. Mòlandakò mɔ̀kɔ hvɛ mɛnɛ ema lì hweyànà là ehvòwa mòtò Yerzù Krirztò lì ma gbeye hwatò hwa arzɛ ò lì emeyàlɛ̀hwɛ̀ ò wòrzò wò ama Lohwɛ̀.

Ndi rzeke hvɛ tɔ̀ nanù mɛnɛ, ndi jò òki mɔ̀nyɛ̀ŋgì èhwanja Lohwɛ̀ à mà jò gbèeyà ema i hwɛ hwatò hwa eni, ò lì akeyà nà e Rzàŋgò ya arzu Yerzù Krirztò, mɔ̀ ema a jò gbèyi ò lì ukɛnɛ màrzèèlì na Lohwɛ̀.