Popularne wersety biblijne z Ròmànì 4

Udostępnij

Ŋmèma mò eni mò rzi kɛ̀ɛyeyà lì hvòmɛ̀nɛ̀ hweyà ema Lohwɛ̀ à mà òhwe nanù ema a mò gbèeyà, ndi lìlòkɛ̀ la eni lì ma mò etìrzɛ rzìi a timbirzɛlɛlɛ Lohwɛ̀ èluhwe. A ma lòkɛ̀ na e tɛ̀ɛ̀tɛ̀ɛ nanù ema Lohwɛ̀ a gbeyà mamɛ à mà kàkɛ̀nɛ̀.

È tìlahwì ò kaàtì yà Lohwà nanù ema, Lohwɛ̀ à mà òhweyà Abràhamù nanù ema, “Ìmba nà ò gbèyi è tatɛ̀ yà rzayì-rzayì ja hwèkòmè.” O èŋgànɛ̀lɛ̀ ò wòrzò wò ama Lohwɛ̀ Abràhamù ndi à hwèlì e tatɛ̀ hwa arzu. Lòohwà ema Abràhamù a lòkɛ̀, lì hwèlì ndi Lòohwà ema lì ŋgba hwatò ema hwa ŋwelì lòŋgɛ lìŋgi Lohwɛ̀ ema lì hvùmùlɛ̀ɛ è wɔ̀ hwa ŋwelì lòŋgɛ, ndèŋgàna mɔ̀ ndi à òhwa aŋga nanù hwèèmà ema hwe rza enje hwe hwɛ.

O nyòla wòhwe wò arzu ɔ̀ndeŋgàtɛ̀ Lohwɛ̀ à mà ŋgba Krirztò ema a jò ŋwèeyà. A ma hvùmùlɛhwɛ ò kpelì, aŋga nanù a jò tɛmìrzɛ ehve-ehve na Lohwɛ̀.

Abràhamù à mà lòkɛ̀ Lohwɛ̀ rzìi a mò ika lìhvìta la eni tɔ̀ nɛ ò mìirzɔ̀ ma e mòtò wa hwènàmà ò rzi hwɛ̀ tɔ̀ lìtìŋga ò lì uŋmɛ̀lɛ̀ nanù ema, hweyà ema Lohwɛ̀ à mà òhwe nanù ema hwe gbèyɛ̀nɛ hwe ò gbèyɛ̀nɛ. A ma lòkɛ̀ nanù ema, mɔ̀ à ò hwɛ “È tatɛ̀ yà rzayì-rzayì ja hwèkòmè” nà òmà Lohwɛ̀ à mà mò òhweyà nanù ema, “È nyɔ̀ŋgɔ̀nì yà àŋgɔ̀ e ò hwɛ ndi hvèyi nàa imbɛ̀tɛ̀tù ja e ŋmanyu yà lohwà.”

Ɔ̀ndeŋgàtɛ̀ Lohwɛ̀ a òhweyà ndi hwaŋga hwatò ema hwa mò lòkɛ̀yi nanù ema a gbeyà eyà ema a kàkɛ̀nɛ̀ nanù ema a gbeyà. Mɔ̀ a gbèyi ndi nanù aŋga nanù e ɛnɛhwɛ nanù ema e ndèli ya eni yɔ ndi e ma gbeyà mɔ̀ à mà òhweyà e nyɔ̀ŋgɔ̀nì ya ama Abràhamù ŋgèlì hvɔ̀kɔ ò i ŋgelì ja arzɛ nanù ema mɔ̀ à hwa gbèeyà eyà ema à mà òhwe nanù ema a gbeyà. Rzeketɛ hwatò ema hwa ika eŋge mbenda mɛnɛ ndi mɔ̀ à mà ŋgbe lìŋgi lì kàkɛ̀nɛ̀. A ma ŋgba hvɛ hwatò hwa arzɛ ema hwà mà lòkɛ̀ Lohwɛ̀ na òma Abràhamù à mà mò lòkɛ̀. Abràhamù ndi à hwèlì e tatɛ̀ ya irzɔ hwa arzɛ.

Dàhwitì à mà òhwa nanù ema, “Mònàmɛ̀ mò hwɛ na hwaŋga hwatò ema Lohwɛ̀ à mà làkìrzɛ̀ matònà ma awu, ema wòhwe wò awu wò ulɛhwɛyi. Mònàmɛ̀ na òŋgò mòtò ema e Rzàŋgò Lohwɛ̀ e rza ò tuuwɛ wòhwe wò eni hvɛ.”

È kààtì ya Lohwà è òhwa nanù ema, “Abràhamù à mà lòkɛ̀ Lohwɛ̀, lìlòkɛ̀ là eni lì èŋgànɛ̀lɛ̀ Lohwɛ̀ à mà mò emeyà nàa mòtò ema à tɛmì ehve-ehve.”