Popularne wersety biblijne z Jenesis 1

Aonu God ne cheke eghu ka mae Thugna ghe Tharunga te Blahi, “Tatilo na vuavuha naikno mala jateula theda eghu. Mare ginauna au nodi nolaghi ke klignadi sasa te tao tafri ka thongna na igre nei nanghaji te flalo tafri ka maloa na igre nei soasopaigna nafnata glepo te tautagu ka nauthoglu na igre eghu.” Aonu God ne vuavuha naikno, gaꞌase ghe nalhaꞌu mala jateula thegna eghu.

God ne fablahidi ne cheke eghu ka repa, “Ghopa mala au sua kmana mala reireghidi glepo te gnafa te au ka nauthoglu na igre. Iara neke lilisei sasa nei nanghaji nei thua nafnata glepo te tautagu teu ka nauthoglu na igre mala reireghidi ghopa.”

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Nauthoglu igne neke fiti au nogna kolho neke theo kaisei nakarha tagna, neke theome jateula te filoni tahati gognaro gne neku. Nu nhorora na neke thafru neke iko tongana heva heva ka nauthoglu igne neke theo kaisei naphae tagna, aonu Tharunga te Blahi na ne soru mei ne tava ke kligna nhorora.

Aonu God ne cheke eghu, “Iara na cheke ranghini naphae na mala phae!” Aonu la meila naphae na.

God ne filodi glepo te keli igre ne glealeꞌa fara. Rafi soru nei hamerane haghe. Igne fafamno narane na.

God ne filoni naphae te keli igne ne glealeꞌa fara. Aonu God ne fotadi gromno ghe naphae gre.

God ne cheke eghu, “Iara lisa ari ka ghopa thua nafnata gaju ba sisi ba buburu teu igre mala hata ima ghopa.

God ne kiloni naphae igne “Narane” eghuteuna gromno na mana ne kiloni “Bongi.” Rafi soru nei hamerane haghe. Igne narane ulu lahu na.

Aonu God ne cheke eghu, “Khoꞌu, iagho na fnota phea, kaisei mala au kligna nei keha na mala au pari.” Khoꞌu na ne thofno leghuni chekegna God na ne fnota phea.

Eghuteuna iara jaola neke vuavuha gano igre maladi nanghaji te gnafa ba glepo te tautagu te biꞌo ba te ikoi nei sisi ba khakla gaju eghu mala gano.” Aonu glepo igre ne thofno leghuni chekegna God.

Aonu God ne cheke eghu, “Naprai nei glaba nei nathunu te au ka maloa na igre mala fotadi narane ghe bongi gre. Naprai gne mala phae ka narane eghuteuna glaba nei nathunu teu igre mala phae bongiro eghu mala fagaglanadi narane, nhigra ba finogha.”

Aonu God ne cheke eghu, “Thua nafnata gaju ba buburu ba sisi teu te mala ima igre na kotu haghe ka glose igne.” Glepo igre ne thofno leghuni chekegna God na ne kotu haghe. God ne filodi glepo te keli igre ne glealeꞌa fara.

Aonu God ne cheke eghu, “Khoꞌu, iagho na fnota phea, kaisei mala au kligna nei keha na mala au pari.” Khoꞌu na ne thofno leghuni chekegna God na ne fnota phea.

Aonu God ne cheke eghu, “Thua nafnata gaju ba buburu ba sisi teu te mala ima igre na kotu haghe ka glose igne.” Glepo igre ne thofno leghuni chekegna God na ne kotu haghe. God ne filodi glepo te keli igre ne glealeꞌa fara.

Aonu God ne vuavuhadi phei juta biꞌo, naprai ghe glaba. Ke biꞌo na mala phae ka narane, eghuteuna ke iko na mala phae bongiro. God ne jaola neke vuavuhadi nathunu gre.

Aonu God ne cheke eghu, “Khoꞌu pari igre na salo fodu mei mala kaisei ngala mala thakle haghe glose te moja na.” Khoꞌure ne thofno leghuni chekegna God na ne salo fodu mei ne thakle haghe glose te moja na. God ne kiloni glose te moja igne “Moumolu” eghuteuna khoꞌu te salo fodu te kaisei ngala igre mana ne kiloni “Thongna.” God ne filoni glepo te keli igne ne glealeꞌa fara.

God ne fablahidi ne cheke eghu ranghidi, “Ghotilo soasopaigna nafnata glepo te au ke lamnagna thongna na igre ginauna na vuragha mala fodu ke lamna thongna. Eghuteuna ghotilo nanghaji ra mala vuragha ke lamnagna nauthoglu igne.”

Aonu God ne cheke eghu, “Nauthoglu igne na fodu ka soasopai gna nafnata glepo te karha. Eghuteuna mala vuragha ka soasopai gna nafnata glepo te tautagu te namha ba te mhaumhaghu te biꞌo ba te ikoi.” Aonu glepo igre ne leghuni chekegna God na ne au jare. God ne filodi glepo te keli igre ne glealeꞌa fara.

Aonu God ne cheke eghu, “Thongna gne mala fodu ka thua nafnata glepo te karha. Eghuteuna nanghaji gre mala flalo tafri ka maloa gne eghu.”

Aonu God ne cheke eghu, “Nauthoglu igne na fodu ka soasopai gna nafnata glepo te karha. Eghuteuna mala vuragha ka soasopai gna nafnata glepo te tautagu te namha ba te mhaumhaghu te biꞌo ba te ikoi.” Aonu glepo igre ne leghuni chekegna God na ne au jare. God ne filodi glepo te keli igre ne glealeꞌa fara.