Popularne wersety biblijne z marqus 13

Udostępnij

ra‑kʷn‑tkrhun kullu mddn f‑ssibt n‑ma‑tgam winu. imma wanna ibiddn izga ar isiggʷra ra‑injm.

rarat lɛaql‑nnun tḍufm ašku ur‑tssinm managu a‑ra‑d‑iruḥ‑uzmz‑an.

iġ‑kʷn‑umẓn dḥin‑kʷn‑in, ad‑ur‑tasim taġuft f‑ma‑ra‑tinim. iniyat awal nna‑yawn‑imla rbbi ġ‑tasaɛt‑an, ašku urd kunni a‑isawaln walaynni rruḥ lqudus n‑rbbi.

rad‑ittin ignwan d‑wakal walaynni ur‑sar‑ittin iwaliwn‑inu.

«walaynni ass‑an ula tasaɛt‑an ur‑tn‑issin yan, la lmalayka n‑ignna ula yus n‑bnadm. ġir baba lli‑illan ġ‑ignna, nttan waḥdut a‑issnn.

iġ‑tsfldm f‑imaġn ula lh̬barat n‑imaġn ad‑ur‑tġuwḍm, ašku iqqan‑d a‑yili ġayan, walaynni ur‑ta‑d‑iruḥ isiggʷra.

ḍufat ula kunni, ašku ur‑tssinm managu a‑ra‑d‑yašk bu‑tgmmi, izd ġ‑tdggʷat nġd ammas n‑iyḍ nġd awddan amzwaru n‑ufullus nġd tawaġla n‑tafukt. ḍufat a‑ur‑d‑yašk ġ‑kra n‑tasaɛt lli‑ur‑tġalm yaf‑kʷn‑d tgnm. mayd‑awn‑nniġ, ra‑t‑iniġ i‑kullu mddn: ḍufat.»

ra‑di‑tnkr‑tqbilt s‑tqbilt tnkr‑d‑tgldit s‑tgldit, ilint zznzalat ġ‑kra n‑tmizar yili‑uġni. walaynni ġayad iga ġir azbbar amzwaru n‑tlalit.

iqqan‑d a‑truḥ‑tbrraḥt l‑lh̬bar ifulkin kullu timizar n‑ddunit ur‑ta‑d‑ilkim isiggʷra.

ašku ggutn ġwilli ra‑d‑yašk asin‑d ism‑inu, kud yan ar‑ittini izd nttan a‑igan lmasiḥ. ntni rad‑jllun mddn ggutnin.

«awiyat‑stt ġ‑ih̬f‑nnun. ra‑kʷn‑dḥayn s‑lmḥkamat, ssġuršn‑kʷn ġ‑tgʷmma n‑tẓallit. ra‑tbddadm f‑ssibt‑inu ġ‑lgddam l‑lḥukkam d‑igldan ad‑asn‑takkam tugga flla.

ašku rad‑d‑nkrn kra n‑mddn, kud yan ar‑ittini f‑ih̬f‑ns izd lmasiḥ a‑iga nġd kra n‑nnabi, walaynni ar‑sskirkisn. rad‑skarn timitar d‑lmɛjizat iġ‑ufan ad‑jllun ula ġwilli ganin win rbbi.

«ġ‑uwssan‑an ġ‑tġurdin n‑tnukmut‑an, ra‑tllas tafukt, ur‑ra‑ifaw‑wayyur. rad‑ṭṭarn itran zġ‑ignwan, ar‑tyattaynt tifawin n‑ignwan.