Popularne wersety biblijne z marqus 12

Udostępnij

isawl yasuɛ yini‑as: «luṣit ihiyyan a‑stt‑igan ‹sfldat, ay‑ayt‑rbbi. rbbi siditnnġ, nttan waḥdut a‑igan rbbi. a‑ttirit rbbi sidik zġ‑ttmi n‑ih̬f‑nnk d‑ttmi n‑uwl‑nnk d‑ttmi l‑lɛaql‑nnk d‑ttmi n‑tẓḍḍart‑nnk.› tis snat a‑stt‑igan ‹a‑ttirit adjar‑nnk zund ih̬f‑nnk.› ur‑tlli kra l‑luṣit yugʷrn snat‑ad.»

iġr yasuɛ i‑imḥḍarn‑ns s‑dars yini‑asn: «lḥqq a‑rad‑awn‑iniġ, tahjjalt‑ad tamẓluṭṭ, hatti tsrs‑n ġ‑ṣṣnduq uggʷar n‑ġwid kullutn, ašku ntni fkan zġ‑maylli darsn iggutn, imma nttat, wah̬h̬a tḥtajja, tsrs‑n kullu ma‑dars‑illan, tfk lmɛišt‑ns kullutt.»

igawr yasuɛ ġ‑umnid n‑ṣṣnduq ġ‑tgmmi n‑rbbi, ar‑itmnad ġ‑mddn ar‑n‑srasn iqaridn ġ‑ṣṣnduq. kigan d‑id‑bu‑wayda ar‑n‑srasn ma‑iggutn. tašk‑id yat‑thjjalt tga tamẓluṭṭ, tsrs‑n snat‑tqaridin idrus‑watig‑nsnt.

iġ‑t‑ira yan zġ‑ttmi n‑ih̬f‑ns d‑ttmi l‑lfhmt‑ns d‑ttmi n‑tẓḍḍart‑ns, yiri adjar‑ns zund ih̬f‑ns, mayad yuf kullu tiġrsiw lli‑jddrn mddn ula tiwafkiw lli‑akkan i‑rbbi.»

irar‑asn yasuɛ: «fkat i‑qayṣr ma‑igan win qayṣr, tfkm i‑rbbi ma‑igan win rbbi.» ntni ar‑gis‑tɛjjabn.