Popularne wersety biblijne z लूका 13

Udostępnij

“सकड़ा बारना होर परमेसर का राज म बड़बा ताँई मेनत करो क्युं क बोळाजणा मांयनै बड़बो चासी पण कोनी बड़ सकींगा।

बठै एक लूगाई ही जिमै अठारा बरसाऊँ ओपरी बलाय रळरी ही। अर बा बलाय बिनै अपाईज कर राखी ही। अर बा आपकी बिमारी की बजेऊँ लुळेड़ी रेह्ती। ईसु बिनै देखर आपकै कनै बुलार बोल्यो, “माई जा तू तेरी बिमारीऊँ निरोगी होगी।”

अत्तो खेर बो बिका माथा प आपको हात धर्यो। अर धरताई बा सिदी होगी अर नाचती गाती परमेसर को गुणगान गाबा लागगी।

अर जखा बठै आगै हीं बे गेलनै अर गेलड़ा आगै होज्यासी।”

जद घर को मालिक खड़्यो होर बारनो ढक लेसी, अर जणा थे बारनै खड़्या होर कुआड़ खुड़कास्यो अर गिड़गिड़ास्यो, ‘म्हराज, म्हारै ताँई कुआड़ खोल द्‍यो।’ पण बो थानै खेसी, ‘मनै कोनी बेरो थे कूण हो अर कठैऊँ आया हो।’

नइ, पण म थारूँ खेऊँ हूँ ज थे बी पापऊँ तौबा कोनी करस्यो। जणा थारै सागै बी अंय्यांई होसी जंय्यां बे मर्या बंय्‍यांई थे बी मरस्यो।”

पण बो तो एकई बात खेसी, ‘म थानै कोनी जाणू थे कूण हो अर कठैऊँ आया हो। अरै बुरा काम करबाळो मेरी आँख्या क आगैऊँ चल्या जाओ।’

ईसु बुज्यो, “परमेसर को राज किकै जंय्यां को ह अर म बिकी बराबरी किऊँ करूं? बो तो राई क दाणा की जंय्यां को ह, जिनै एक मिनख आपकी बाड़ी म बोयो अर बो बढर बोजो होयो, चिड़कल्या अर उडबाळा ज्यानबर बिकी डाळ्यां प घुरस्ळो घाल्या।”