Popularne wersety biblijne z Baloma 6

Udostępnij

Ndaba kuhola kwa wubi kwenga kufwa, ngoboni shishemo sha Nyambi aholeshanga shenga wumi wa mwaya myaka muli Mwene wetu Yeshu Kilishitu.

Wubi kutwesha kumi heta wufwako, ndaba kaliha muli mu nceto ya ndayano, ngoboni muli mu nceto ya nceshe za Nyambi.

Nohobene oho twazubilishiwile, twafwile hamo nendi na kufundiwa hamo nendi, ngayi nehi Kilishitu ashangukile ku bafu na ngovu za Tate nahiyo netu kami mwanga twikale na wumi wawupya.

Hinga mupana shimamo sha lutu lwenu ku wubi, ngayi shitende milimo ya kutengama. Ngoboni lipanikenu kuli Nyambi, ngonehe bantu bengile ba kufwa, haya bali na wumi. Kami panenu bimamo byenu nimwabyo kuli Nyambi, ngayi bitende milimo ya kwoloka.

Tukulimuka ngayi nyinkalo yetu ya mwaka yakolekiwile ha shishempakano hamo na Kilishitu, ngayi lutu lwa wubi lukanonge, pe hinga twinga kami bandungo ku wubi.

Nahiyo kami nenu mulilabe ngayi munafu ku wubi, ngoboni muli na kuyoyela kuli Nyambi kupitila muli Yeshu Kilishitu.

Haya tukwamba bishini? Kati tukuzamina mu wubi ngayi nceshe za Nyambi zihanye ndi? Nyambi akane, etu tunafu ku wubi, tukuyoya nahiti mu wubi?

Kati kulimuka mufwako ngayi ndi mu kulitupula ku muntu ngayi mwinge bakakumwombatala ngonehe bandungo, pe mukwinga bandungo ba uya mukwombatala ndi? Mukutwesha kwinga bandungo ba wubi ukuleta lufu, hinge mu kutwesha kwinga bakakwombatala Nyambi mwanga mwingiwe bakulunga.

Tukukambilila kuli Nyambi, ndaba hinge ndi mwengile bandungo ba wubi, ngoboni munombatala na mitima yenu nimwayo kupwisha kuli biya mwatambwile. Mwashoboloko ku wubi, haya mwafutukakale bandungo ba byakwoloka.