Popularne wersety biblijne z Baloma 5

Udostępnij

Ngoboni Nyambi unatumoneshe wunene wa shishemo shendi ndaba oho twengile bakawubi, Kilishitu watufwililile.

Kulumbeza kuyenesha muntu kufwako, ndaba shishemo sha Nyambi shinapanzana mu mitima yetu na Moyo wa Kuyela ou wapanikiwile kukwetu.

Kaliha noho tuhu, ngoboni tuku wahilila mu makalikiza wetu. Ndaba tukulimuka ngayi makalikiza alongeshanga muntu lunzewe, lunzewe lwaletanga biheka byabiwahe, pe biya biheka byaletanga kulumbeza.

Nohobene, mu kukulupila tunawaniwi kwinga bakwoloka kuli Nyambi, tuli na ku mwena na Nyambi kupitila muli Mwene wetu Yeshu Kilishitu. Kilishitu niye unatushinkwilili nzila ngayi na kukulupila tutambule nceshe eze Nyambi akupana nahiya, ndi tukwikala mumwazo, kami tuku wahilila mu kulumbeza kwa wuwahe wa Nyambi.

Ha shikati shiya Nyambi ahatile, oho etu twekalile mu wulube, Kilishitu wafwilile etu bakawubi.

Wuluno tunaolokeshiwi na mukeza wendi, kami ukatupulwisha ku wukali wa Nyambi.

Ngonehi bantu babengi bengile bakawubi, ndaba ya kubula kwombatala kwa muntu umo, nohobene bantu babengi kami bakwinga bakwoloka ndaba ya kwombatala kwa muntu umo.

Kaliha noho tuhu, ngoboni tuku wahilila kuli Nyambi kupitila muli Mwene wetu Yeshu Kilishitu, ou tunatambulu kulyambwilila nendi.