Popularne wersety biblijne z Wɔrɔmi ye 2

Udostępnij

Bele be kérigèle bee kpéʔele lè, mɔ syɔ́ɔnwee mi miyɛɛ bye lè bele bee kútiijooo, bi gi taa mɔ wɔ́ɔ i kérigèle bee wonijangéle kpéʔele, a mɔ i sɔ̀ngí lé mɔ a syɔɔ Kolocɔlɔɔ kútiiw ma? Wàlá àmɛɛ Kolocɔlɔɔ fúngi tɔ̀nɔ n nyɔɔ lè gbanʔama, á wi nyínimi ní wi kpàracogi wɔ́ɔ̀ nɛʔɛ lè, a koro jo lé mɔ o gee bee córo wii í láà? Mɔ ga gi cán ncan wi funjǎngi a gbǎn mɔ kàriga mɔ í kàdoʔo wáa mɔ kapeegèle ma ì?

Gee bee na mɔ syɔ́ɔnwee faala mi miyɛɛ gbéʔele bele kútiijooo lè, mɔ a kɔ́ joo tànʔa i nyɛ mɔ ma í, níì cán mɔ wee mi miyɛɛ bye lè bele kútiijooo ní wɔ́ɔ i kérigèle bee wonijangéle kpéʔele, mi gi cán mɔ tiimaa wɔ́ɔ i kútiiw cáan miyɛɛ na.

Níì cán Kolocɔlɔɔ o syɔɔnwaa yirigi wàa ni í.

Níì cán ki o nyɛ mɔ a jo bele be làlwaw syɛ́ɛnrɛ lúro lè yagana, bele bee Kolocɔlɔɔ córo syɛɛnsinbèle í, fwɔɔ bele be làlwaw syɛ́ɛnrɛ lúro lè ní i di kpéʔele.

Cángi bee na wi a ba syɛ́ɛnbèle myɛ nibin nibin sàra bi yɛlɛ ní be kapyegèle ní.

Kàjáa bele fundaaya yi be kíle ni syée pe nyɛnɛ kérigèle kurugo lè, pe si tée o yèré kányɛɛgi ni lè í, níì kòro pe kakolobyeri na ni kpéʔele lè, Kolocɔlɔɔ fundanʔari ní wi kayaagi a ba too bele bee na.

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.