Popularne wersety biblijne z Kîam 28

Udostępnij

Ningî nkethagîrwa ndî amwe naagwe, na ngagûkaragia gûntû kunthe kûrîa ûgeetaga. Naani ngagûcokia nthîgûrû îîjî nîkwîthîrwa ni ntîkorogûtiga mwanka mbûjûrie mantû jau ndakwîra.”

MWATHANI nî aarûngi îgûrû rîaayo nawe arauga, “Nî ni MWATHANI, Mûrungu wa ûjûûgu Abrahamu, na Mûrungu wa Isaaka. Nthîgûrû îîjî ûmami ngaakwaa yo, na mpe nchiarwa ciaaku yo.

Rîu Jakubu arookîîra kuuma toroone arauga, “Nî mma MWATHANI arî antû aja îndî ni ntîkûmenyaga.”

Jakubu aracoka araciîtia mûciîtio arauga, “Mûrungu akëeja gûkara amwe naani, na akamenyeera rûgendoone rûrû mbîtîte, ningî agampa irio biakûrîa na nguû cia gwîkîra mwanka ngacoka ndî thîîria nja ya baaba, rîu MWATHANI nîwe ûkaa Mûrungu waakwa. Narîo iiga rîrî ndeenjîra aja rîa kîririkano nîrîo rîkaa nyomba ya Mûrungu, na kîrîa kîonthe ûgaampeejaga, ngakwejaga gîchunchî kîmwe kuuma kîrî îkûmi.”

Nacio nchiarwa ciaaku ikaingîa o ta mûthetu. Nacio igaataamba nthîgûrû yonthe bwa rûgûrû na bwa gaiti na bwa ûrîo na bwa ûmotho. Nayo mîîrîga ya antû ba nthî yonthe îkaatharimagwa nîûntû bwaaku na nchiarwa ciaaku.

Nawe areeta antû au Betheli kinya këethîra mbereene, ntûûra îîu yeetagwa Luzi.