Popularne wersety biblijne z AMSAL 26

Udostępnij

Ureuëng nyang jaweueb peue nyang jitanyong lé ureuëng bangai, saban cit bangai jih deungon ureuëng nyang teumanyong nyan. Teumanyong nyang bangai harôh teujaweueb deungon nyang bangai teuma, mangat ureuëng teumanyong nyan sadar bahwa jihnyan hana carông lagée nyang jisangka nyan.

Lagée asée jigisa ubak muntah jih, meunan kheueh ureuëng bangai nyang geu-ulang keu bangai nyan.

Meunyoe kayée ka habéh, apui pih lon; meunan cit meunyoe ureuëng panyang babah ka hanale, meudakwa pih ka seuleusoe.

Soe nyang kueh uruek keu ureuëng laén, ureuëng nyang kueh nyan teuma meusuruek u dalam uruek nyan. Soe nyang gule batée mangat batéenyan jitimpok ateueh ureuëng laén, ureuëng nyan teuma jitimpok keudroe lé batée nyan.

Ureuëng nyang bangai sigoe mantong leubeh gét nibak ureuëng nyang jianggab droe jihnyan carông.

Ureuëng nyang peujampu droe bak ureuëng meudakwa nyang kon urosan jihnyan saban that lagée ureuëng nyang drob asée pungoe nibak punyueng jih.