Popularne wersety biblijne z AMSAL 22

Udostępnij

Peurunoe kheueh ubak sidroe aneuëk cara udeb nyang patot keu aneuëk nyan, dan sampoe án tuha aneuëk nyan teuma udeb lagée nyang ka teupeurunoe nyan.

Ureuëng nyang taqwa ubak TUHAN dan jipeumiyueb droe, ureuëng nyan meuteumé bahgia, makmu dan jihoreumat lé gob.

Nan nyang jroh leubeh meuyuem nibak hareuta nyang le; jigaséh lé gob leubeh gét meunyoe jijok méuh ngon pirak.

Bék kheueh meurakan ngon ureuëng nyang bagaih jiék darah dan bagaih beungéh.

Ureuëng nyang jroh até geubri beureukat lé TUHAN, sabab jihnyan jipeuweuek reuzeki ngon ureuëng nyang papa.

Ureuëng bijaksana jipeusie meunyoe na jingieng bahya; di ureuëng bangai jijak laju akhé jih keunong bahya.

Ureuëng gasien jikuasa lé ureuëng kaya; ureuëng meu-utang jikuasa lé ureuëng nyang peu-utang.

Ureuëng kaya dan ureuëng gasien bak awaknyan na saboh hai nyang saban: TUHAN kheueh nyang cebta awaknyan bube nyang na.

Bék kheueh gata peurugoe ureuëng gasien, sabab jih nyan leumoh hana meudaya; dan bak kantô peungadelan bék kheueh gata peukosa hak ureuëng nyang hana meudaya. Sabab, TUHAN teuma geubila peukara ureuëng nyan dan geutarek nyawöng ureuëng nyang teugon awaknyan.