Popularne wersety biblijne z EYEZIQALO 49

Udostępnij

NguJuda opheth' umsimbithi wokulawula. Uya kuhlala elawula njalo, ade afike umniniwo, izizwe zikhahlele kuye ngentobeko.

“UJosefu ngumdiliya omi ngasemthonjeni; intw' emaseb' afukufuku, aqabel' ezindongeni. Yintw' ehlaselwa ziintshaba zayo, ziyisukele ngeentolo nezaphetha.

Kodwa olwakhe utolo alugungqi, neengalo zakhe zomelezwa ngamandla oThixo kaYakobi, yena malusi nomkhuseli kaSirayeli. NguThixo kayihlo okuncedayo; nguThixo uSomandla okuthamsanqelisayo ngeemvula zaphezulu, nangamanzi aphuma enzulwini ngaphantsi komhlaba. Nguye okuthamsanqelisa ngabantwana nangemfuyo.

“UJuda yintw' edunyiswa ngamawayo; yintw' ezithe xhakamfu ngesixhanti iintshaba zayo, intw' ekhahlelwayo ngabantakwayo. UJuda ndithi yintw' enga yingonyama, yintw' echwechwel' ixhoba, ibuy' ibuthume esikhundleni sayo; buthuthu izolile, ingabe iphazanyiswe nto.

“URubhen lizibulo lam; ndazibon' amandla ngaye; ubudoda bam ndabuqonda ngaye. Ngoyena unamandla; ngoyena unewonga koonyana bam bonke. Kambe ke akasayi kutshatshela. Yintw' efan' igqabhuke okomsinga wamanzi, kuba yangena iqadi likayise, yasixabhel' isilili soyise.