Popularne wersety biblijne z यहेजकेल 3

Udostępnij

जिब मै दुष्ट तै कहूँ, ‘तू जरुर मरैगा,’ अर जै तू उस ताहीं ना चितावै, अर ना दुष्ट तै इसी बात कहवै जिसतै के वो चौक्‍कस हो अर अपणी बुरी राह छोड़कै जिन्दा रहवै, तो वो दुष्ट अपणे अधर्म म्ह फँस्या होया मरैगा, पर उसके खून का लेखा मै सिर्फ तेरे तै ए ल्यूँगा।

पर जै तू दुष्ट नै चितावै, अर वो अपणी दुष्टता अर बुरी राह तै ना फिरै, तो वो अपणे अधर्म म्ह फँस्या होया मर जावैगा; पर तू अपणी जान नै बचावैगा।

“हे माणस की सन्तान मन्‍नै तेरे ताहीं इस्राएल के घरान्‍ने कै खात्तर पहरुआ ठहराया सै; तू मेरे मुँह की बात सुणकै, उननै मेरी ओड़ तै चेतावनी देणा।

फेर जिब धर्मी माणस अपणी धार्मिकता तै फिरकै बुरा काम करण लाग्गै, अर मै उसके स्याम्ही ठोक्‍कर राक्खूँ, तो वो मर जावैगा, क्यूँके तन्‍नै जो उस ताहीं न्ही चिताया, इस करकै वो अपणे पाप म्ह फँस्या होया मरैगा; अर जो धार्मिकता के काम उसनै करे हों, उनकी सुधि ना ली जावैगी, पर उसके खून का लेखा मै सिर्फ तेरे तै ल्यूँगा।