Popularne wersety biblijne z Kadadiam 15

Udostępnij

Iya ungkatappa'im DEBATA Abram nasuhum nasangai DEBATA to malolo.

Puhai ia too, iya nalipim DEBATA Abram anna napa'tula'i naua: <<Daa ummahea' Abram, aka Kao la umpa'tippasangko anna la kubeengko mana' kasalle.>>

Iya umpasolam messubum Abram anna nauaanni: <<Pentongako längäm langi' anna uhhekengko bintä, ke umbelai. Aka padai too budanna bintä, la padam too duka' budanna pessubummu.>>

Natimba' DEBATA naua: <<Taia sabua'mu la umpomana' kullemu, sapo' änä' ikalemu.>>

Iya ma'kadam DEBATA lako Abram naua: <<Indem ia pahallu la umpengngissanni: pessubummu la mendadi to sule dio botto senga', la diposabua' anna la ullambi' pandahhaam appa' hatu' taunna masäena.

Sapo' natimba' Abram naua: <<O PUANG ALLATAALA Debatangku, aka gunana la umbeennä' mana' ke tä'i deem änä'ku? Aka tä'pä' umbeem änä', dadi inde mai kulle puha umbeennä', indo hi tia sabua'ku Eliezer to Damsyik la umpomana'i.>>

Allo eta siam duka' anna umpadadii pa'dandiam DEBATA lako Abram naua: <<Ingganna inde litä' la kubeem pessubummu mengkalao dio salunna Mesir sule lako Salu Efrat.

Anna la appa'pi too lapi'na pessubummu dio botto ia too, mane ma'pasulei sule eta inde. Aka etapi mane nalambi'i to Amori pesämbä'ku, aka la lempam polem kakadakeam napogau' illaam inde botto la naongei pessubummu.>>