Popularne wersety biblijne z Kalappasam 2

Udostępnij

Nahingngiam Puang Allataala pengkaloa'na, anna napaalai penaba pa'dandianNa lako Abraham, Ishak anna Yakub. Lambi' unnenne'i to Israel Puang Allataala sola mata pa'kamaseNa, anna napaalai penaba pi'di'na.

Tappana masäe lessu'na ia too, iya matem tomahaja Mesir. Sapo' tontä liupi sikaloa' to Israel aka dipepi' mengkähä, anna sikatamba mengkaala, lambi' mengkaala längäm oloNa Puang Allataala napelau la nalappasam dio mai kasabuasanna.

Tappana kasalle indo änä'-änä', iya nababaammi lako indo änä'na Firaun to ussähä'i. Iya nasangaim Musa, aka naua: <<Aka kuala dio mai uwai.>>

Sulei, iya ma'kadam indo änä'na Firaun lako naua: <<Babai inde änä'-änä' anna umpasusuannä' angku sahoihangko.>> Iya naalam duka' indo änä'-änä' anna si napasusuanni.

Iya sulem änä'na Firaun baine, la mendio' dio Salu Nil, anna mahassanni ia sabua'na baine ma'lao-lao lako bihim salu. Pissananna ham ia naita indo änä'na tomahaja, deem mesa bingka' papirus illaam alla' galanteom, iya ussuam mesa sabua'na baine lao naalaam.

Pissam wattu tappana kasalle Musa, iya le'ba'um umpellambi'i solana to Ibrani, iya naitam pi'di'na mengkähä dipepi'. Pissananna, muitam mesa to Mesir umpongko mesa to Ibrani, sato-Ibraninna Musa. Iya umpalelem matanna lao pali', naitai tä' deem tau umpaalai mata, iya umpateim indo to Mesir, mane natambunnii bungim bakkena.