Popularne wersety biblijne z Iruuku 4

Udostępnij

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ; ộ nyị mị ka ma rẹ nọ ọ yị aza ịrayị oni Ohomorihi vaa sị dọ aza anịị há.”

Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Ama dị Ijeesu tụ́ ohi, dị ọ kà a yọ ka, “Â chẹrẹ ẹ ka: ‘Ẹ yị vị ịsọyịrị kẹnẹ, ọ zụ sị ọza vị ọza, ẹ̀ yị vị avaba ịrẹyị oni Ohomorihi kà!’ ”

Ụhwẹ Ọnịnị ộ dọ avaba ayị Ijeesu, dị ọ và hụrẹ Ijodani vẹ nị. Dị Ụhwẹ Ọnịnị sị Ijeesu nọ ịnị ụnọmị nị.

Dị Ijeesu re tụ́ ọ ohi, dị ọ ka, “A rẹ chẹrẹ ẹ ka: ‘Wẹ yị nyayịnẹ zama Ananyị yị Ohomorihi awụ re.’ ”

Ịjị Echu sị ọ zama re ta, dị ọ hụụ ịdị anị chee nị.

Dị Echu rẹ sị ọ nọ ịrẹsụ ataba ana nẹba ẹtẹẹtẹrẹ nị. Dị ọ wụsẹ sị avaba ẹkụra irenyi-irenyi ene hi ẹhẹ ọnọnị zụ̀ ọọ nị. Dị Echu kà a yọ ka, “Mị vaa sị avaba ẹkụra ẹnẹnị ọnịrị ụbanyị ẹnịnịị chire wu ụvọ. E reè si chire ẹmị ụvọ, ọza ene èe zé mi eyi, mị nyẹngụ sị yị. Agụvị avọọ, wàa zẹẹ ka wa tana tụra ẹtẹ yị mị, mị vaa sị avaba anịị yị wụ.” Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Dị Echu rẹ sị ọọ nọ Ijerusarẹmị, dị ọ sị ọọ na tụ́ oregerege ini irehi Ohomorihi nị. Dị ọ kà a yọ ka, “Àa vị Ozi Ohomorihi ụ vị nị, ji hụụ ịzọọ ve hi ẹtẹ! Wâ yẹ ka a sị ọọ chẹrẹ ka: ‘Ọ vaa mẹ ọda yị anggẹẹrị anị dị ẹ̀ sị eyi pe wu. Dị ẹ gụ wụ rị ụvọ, agụvị asị u ne gù ahụ awụ chire ịrẹta.’ ” Dị Ijeesu re tụ́ ọ ohi, dị ọ ka, “A rẹ chẹrẹ ẹ ka: ‘Wẹ yị nyayịnẹ zama Ananyị yị Ohomorihi awụ re.’ ”