Popularne wersety biblijne z Iruuku 3

Udostępnij

Ịjị a sị ọyịhwenyi mẹ yị avaba aza, dị a rẹ mẹ̀ ọyịhwọzenyi yị Ijeesu nị. Íjeesu màa mẹ̀ aduwa, di ihinẹba na hi ẹtẹ nị. Dị Ụhwẹ Ọnịnị chí vẹ anka arivadi avọọ, dị ọ và kú ọọ nị. Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Mẹ ịsa ana vọrọ nịnị kẹ, ana vaa sị zụ̀ ka we reè ro ịnẹ varẹma nịnị! Asị u ne ro o, dị ụ waa kà a ịnị ayị awụ nịnị ka: ‘Ị yàaa nyị Abụrahamị ana vị ada ayị nị,’ Dị ma kà a yị wụ nịnị ka Ohomorihi ọ zụ sị ịrẹta vara ezi, dị ọ sị yị Abụrahamị.

Booro aanị, a raà sị ịraga pe ọchị nịnị iruvo, agụvị avọọ avaba ọchị ẹnẹ ẹ̀ yị tụ́ ẹtụtụ ozoza, vị ana a vaa má, di ee ne e ngụ ịnị ịra.”

Ayịsaya ọnịsẹ ộ chẹrẹ ẹ tụ́ ini iwe anị ka, “Â nyị ọza ịnya ana vaa yà ịnị ụnọmị ana aa nọ ọ ka, ‘Tenyi oze Ananyị yị tịtẹ yọ nịnị! Tenyi oze anị, dị ọ̀ vọrọ ẹtẹẹtẹrẹ. È hí avaba inozi; di è re chì avaba ataba nịnị. Oze ana àa rara, à vọrọ ọ; oze ana àa rẹ yà boga-boga, dị à swaa! Avaba anẹhẹ vee re, Óhomorihi mẹmẹ aa dọ azaa há.’ ”