Popularne wersety biblijne z Maafiù 27

Udostępnij

E tèèngà e gɔɛɛ gbòà taaà diɛŋ wo Jisɛ̀ naŋ kpààŋ sɛiŋ yèè wò naŋ wòò wɔŋ kanùuŋ nɔɔ̀ŋ sùà wààŋ, “Ìlɔì, Ìlɔì, làmaŋ sàɓàtanìŋ?” E fàsàì tɛɛ̀ nàŋ yaà, “Dayà miɔ̀ŋ, Dayà miɔ̀ŋ, wèè kiìŋ mùŋ naim gììyè kɛ̀ɛ?”

Tɛɛ̀ naŋ nɔŋ kaaìŋ fa, wɔŋ dèè saaŋ yɛmgbɛ̀ gbeeɔ̀ sɛ̀ɛ̀ wa ko Saaŋ Zòòlò Dayài wɔ̀ŋ naŋ sɛ̀ɛ̀ tɛɛ fàà tìyèe, e yìwìà ko diɛìŋ e hàì ko dìlìi. E dììɛ naŋ gbiinè, yèè maŋ dùò maŋ naŋ sɛ̀ɛ̀sɛ̀ɛ̀ maŋ fàà. Maŋ hùaŋ màŋ naŋ wa yilè, yèè maŋ kpùnàŋ anyùùŋ nɛɛmaŋ nyàŋ zimgbe nyiŋ naŋ wa fɔ̀ nyaŋ naŋ yèwè e fàaà dìì maŋ nyiiŋ gèe sùà.

Wo Jisɛ̀ naŋ ɓɛìŋ kpààŋ sɛiŋ, yèè wò naŋ mìè wɔŋ nyiiuŋ nɔɔ̀ŋ.

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

E gɔɛɛ hàì ɗìò tɛɛ, e dììɛ wɔŋ fuɔɔ̀ŋ gbiŋ naŋ wa kùwò nyìwì. Ke nyìwìɛ nao wa nɔ̀ŋ wèè e hààwà taai.

Kpeiŋ wo Paalè naŋ nyiŋ dawè wààŋ, “Kɛ̀ kiìŋ nìŋ manaŋ wèè ka nyìnìàŋ wo Jisɛ̀ wo yèɔ àŋ nyaaŋ wo Kulaìɔ wɔ̀?” Yèè àŋ naŋ kpààŋ sɛiŋ nyààŋ, “Kpùùnyaàuŋ wɔŋ vànèkpaaà diɛŋ.” Wo Paalè naŋ nyiŋ ɓɛìŋ dawè wààŋ, “Kiìŋ kè sàwà wò naŋ pɔɔ̀?” Yèè e faaàŋ naŋ ngèè ɓɛìŋ kpààŋ sɛiŋ nyààŋ, “Kpùùnyaàuŋ wɔŋ vànèkpaaà diɛŋ!”