Popularne wersety biblijne z Maafiù 26

Udostępnij

Yɛ̀mɛìŋ nyɛ̀iŋ bi diɛŋ, yèè niŋ zoolò wèè e wàà e keì nyìnga goiŋ nàŋ hnè feìŋ. Kà nyìmàŋ kɛ̀ nìŋ manaŋ naŋ nyɛ̀nɛ̀ŋ e yèɛ yaà tɛ̀ɛ̀ lɛ, kɛɛ niŋ fè niŋ ɓɛ̀nɛ̀ŋ nyɛ̀nɛŋ è gààŋ è kèìŋ nyuùŋkpùuŋ nɛ̀ sùà.”

yèè wò naŋ nyiŋ woò wààŋ, “Ke nyowoɛ̀ wɔŋ nyììŋ jinàŋ miɔ̀ŋ sùà naŋ dɛɛ̀ zimgbe e sɔ̀ngɔ̀ kèim ɓɛ̀nɛ̀ŋ jìwa. Jòoìŋ kià yèè niŋ nɔ̀ŋ e fɛɛ̀ wòwò.”

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Maŋ sɛnìim màŋ mɛɛ̀ŋ, maŋ yè maŋ naŋ hèè e fèè e ɗààhìì e mìèsùàguùŋ, maŋ yè maŋ naŋ nɔ̀ŋ wùaŋ miŋ wèè wo Dayà juuyà maŋ jùumùiŋ màŋ hakɛ̀.

E teengaà àŋ yaà wa jììyè nɛ̀ŋ lɛ, wo Jisɛ̀ naŋ ɓèmè ke gbɔ̀u. Wò naŋ kìɛ̀ŋ e zòòlò ke sɛ̀ gèe weè nyiŋ. Kpeiŋ wò naŋ nyiŋ nyime nyìmè nyɛ̀ɛ̀nyɛ̀ɛ̀, yèè wò naŋ nyiŋ kìɛ̀ŋ anyùùŋ màŋjɛ̀wɛ̀uŋ nyàŋ. Wò naŋ woò wààŋ, “Kùwaìŋ nyiŋ yèè niŋ gbìlà, kɛɛ̀ nàŋ yaà ke kpùnaŋ miɛ̀ŋ.”

E kìlà wò naŋ ɓèmè wɔŋ kpòò dìà maŋ tala muaŋ, wò naŋ gè wo Dayà sɛ̀, yèè wò naŋ nyiŋ wuŋ kiɛ̀ŋ. Wò naŋ nyiŋ woò wààŋ, “Tìaìŋ miŋ nyɛ̀iŋ nààŋ gbiŋ.

Yèè wò naŋ kɛ̀ɛ̀ koɓɛ̀ anyùùŋ màŋjɛ̀wɛ̀ taai nyàŋ, kɛɛ wò naŋ nyiŋ mɛɛ̀ŋ àŋ yaà maŋ jàwè. Kpeiŋ wò naŋ wòò wo Pììlɛ, wààŋ, “Niŋ fè weè pɛɛ ɓɛ̀nɛ̀ŋ nɔ̀ŋ è fɛɛ̀ wòwò yàwiiŋ wèè è teenga kpuu?

Miŋ woòiŋ e tɔɔɓaaà, e yìwìà nàaŋ, julɔfɔ miŋ naàŋ ɓɛìŋ tìè màŋ tala muaŋ gbiŋ e jèèsùà e hàì ke ɗɔɔɛ̀ mìŋ do nàŋ tìè maŋ tala muaŋ jɛi màŋ e Kànà Dèda miɔ̀ŋ sùà lɛ.”

yèè wo Pììlɛ e ɗìuŋ naŋ dè koɓɛ̀ e yèɛ wo Jisɛ̀ nauŋ wa woò lɛ wààŋ, “Wèè paŋ wo tɔɔ wowoɔ̀ kolèè, mùŋ do nàŋ gè maŋhɛɛ sùà taai kɛ̀ muŋ nyimààìm.” Yèè wò naŋ fòlò wo ka wo ɓàà ɗì gòla.

Yèwaìŋ dìì, e kaiŋ. Yɛ̀mɛìŋ, wo nyùnɔ̀ɔŋ naim maàŋ wɔ wuŋ nàŋ yaà hnè wɔ!”

Yèè wo Jisɛ̀ naŋ wòò wo nyùùŋ bi wààŋ, “Hoà e koya mɔ̀ɛ̀ wɔŋ ɓuùiŋ nɔɔ̀ŋ sùà. Wo nyùnɔ̀ɔŋ gbiŋ ɓemàŋ e koya wèè wo dàwiuŋ nɔɔ̀ŋ wɔ wò do nàŋ fɔ̀ɔ̀yɛ̀ e koya dìì.