Popularne wersety biblijne z Maʼtɛ́as 23

Udostępnij

Nyɔ́ alɛɛ́ oʼkóʼkóón a kɛgaágadɛ kɛáŋan ogóódi lɛ́ yɛ́ɛn inə́mbí ɛ́ pɔsɔ́g.

Nyɔ́ alɛ́ɛ́ kaábágɛdɛɛ́, pálɛ́ɛ́ kumuúsuuli. Náa, nyɔ́ alɛ́ɛ́ kəə́sulií nkó a nsí, pálɛ́ɛ́ komobágɛdɛ.

«Maan na pəŋi moɔ́ŋɛ́ná pusú móonɛ, pəŋi palɛŋ pɛcɛm na Pafalɛsɛyɛ́ɛŋ. Ɛɛ́ɛ, polɛ agɛɛ́ʼkɛn Táán kɛowád kɛ́ muyənjə́g mó moom wɔnɔ́ pisənduŋ, pondóŋ ndíg, pɛlog Náa, puʼkóodi kɛnɛŋ na pɛbán pɛmɔɛ́d pɛ́ pɛgóón pɛ́ pɛcɛm pɛ́lɛɛ́ agɛbɛyáaʼkananɛ, náanɛ wɔnɔ́: “Pasáád, ɔʼtɛ́m ó kulisənən, kaag oʼto na Táán.” Táá nkə kɛmɔɛ́d kɛ́ puígóodi lɛ́ póɛlɛ aa kɛ́ɛg, poágɛɛlɛ tɛn pɛ́ʼkáanɛ.

«Maan na pəŋi moɔ́ŋɛ́ná pusú móonɛ, pəŋi palɛŋ pɛcɛm na Pafalɛsɛyɛ́ɛŋ! Pilən pɛáŋan na pəʼkúmbəʼ pááŋan pálɛ káanɛ a táán púyúŋ púyúŋ, kɔmɔɛ́d lɛ́ a kaadɛ, moom mó wiib aa múyə́giníí kɔ síɛ́ɛ́d, na pɛbán pɛ́ pɛbɛ́ pɛ́ pɛ́lɛɛ́ əgiim pɛ́lon a ntɛ́m yaaŋan.

«Əə́əy Yolósalɛm! Yolósalɛm, əə́əy na wɛ nyɔ́ olɛɛ́ agoóna palɔɛgɛʼ pɛbán pá Táán, pɔɔd pá Táán alɛɛ́ agodóman, waábodóan na aʼtáán lɛ́ pə́guə́ʼkən. Njúúnə lɛ́ nyágɔnyɛdɛn pɔɔ́n pááŋ a ɛbá yáam pɛnɛŋ wɔnɔ́ pɛnɛŋ, wɔnɔ́ ná ándɛ nsɛɛ yə́əgəə́gúlig pɔɔ́n a nfaáan yəəŋ. Náa pəŋi podɛʼkáagɛnyaáʼkɛnɛ!

Náan aa kɛ́lɛɛ́ yoom ímuʼ na pəŋi. A táán, puogoóloodi lɛ́ polɛ sáád. Kɔmɔɛ́d lɛ́ a ntɛ́m yaaŋan a kaadɛ polɛ moɔ́ŋɛ́ná pusú mólɛ́ na mólɛ́, polɛ əgín kɔbɛ́ na kɔbɛ́ kɛɛlɛ.